సత్కర్మలే మోక్షపథానికి మార్గం
(సి.హెచ్.ప్రతాప్)
మనిషి జీవితం కర్మలతోనే నిండివుంది. ఆలోచన, మాట, చేతలన్నీ కర్మలే. జీవి ఒక్క క్షణం కూడా కర్మలేని స్థితిలో ఉండలేడని గీతాచార్యం స్పష్టం చేశారు.
అర్థం: ఈ విశ్వంలో ఏ ప్రాణీ అయినా ఒక్క క్షణం కూడా కర్మ చేయకుండా ఉండలేడు. ప్రకృతి ప్రసాదించిన గుణాల వల్ల కర్మలే మనలను ముందుకు నడిపిస్తాయి.
ఈ శ్లోకం చెబుతున్నది ఏమిటంటే — కర్మ తప్పించుకోలేని ఒక నిత్య సత్యం. మనం చేసే పనులు ఏవైతే ఉన్నాయో, అవే మన భవిష్యత్తును తీర్చిదిద్దుతాయి. ధర్మబద్ధమైన కర్మలు శుభఫలితాలు ఇస్తాయి; అధర్మకర్మలు దుఃఖాన్నే అందిస్తాయి.
హరిశ్చంద్రుడు జీవితమే కర్మ సిద్ధాంతానికి ఒక గొప్ప ఉదాహరణ. ఎంతటి కష్టాలు వచ్చినా ఆయన సత్యవ్రతాన్ని విడువలేదు. తన మాటకు కట్టుబడి రాజ్యాన్ని, భార్యను, సంతానాన్నీ వదిలి దహనవాటికలో కూలీగా పని చేశాడు. ఆయన కర్మ శుద్ధి చివరికి దేవతలను కదిలించింది. ఇది చెబుతున్నది — ధర్మపథంలో చేసిన కర్మ ఎప్పుడూ వృథా కాదు.
శ్రీరాముడి జీవితమూ అదే సందేశాన్ని ఇస్తుంది. తన తండ్రి వాగ్ధానం కాపాడటానికి రాజ్యాన్ని వదిలి అడవిలో 14 సంవత్సరాలు వనవాసం గడిపాడు. ధర్మం కోసం చేసిన ఆ కర్మలే రాముడిని “మర్యాద పురుషోత్తముడు”గా నిలిపాయి.
మహాభారతంలో కౌరవులు చేసిన అధర్మకర్మలు, పాండవులు చేసిన ధర్మకర్మలు యుద్ధరూపంలో ఫలితమిచ్చాయి. ద్రౌపదిని అవమానించిన కర్మ వల్లే కౌరవవంశం నాశనం అయ్యింది. మరోవైపు, అనేక కష్టాలు ఎదుర్కొన్న పాండవులు చివరికి ధర్మపక్షాన నిలిచినందున విజయాన్ని సాధించారు.
ఈ ఉదాహరణలు అన్నీ ఒకే విషయం చెబుతున్నాయి: కర్మ తప్పించుకోలేనిది. “విత్తనమేరా విత్తితే, పంటదానినే ఇస్తుంది.” మోసం చేస్తే మోసమే వస్తుంది, ధర్మబద్ధమైన కర్మ చేస్తే శాంతి, ఆనందం వస్తాయి.
అందువల్ల మన జీవనాన్ని ధర్మబద్ధంగా నడిపించుకోవాలి. నిత్యం భగవన్నామస్మరణ, జపం, ధ్యానం, సత్సంగం, సద్గ్రంథ పఠనం, భూతదయ, ధానధర్మాలు మన కర్మల పథాన్ని పవిత్రం చేస్తాయి. పాపకర్మల నుండి మనల్ని దూరం చేస్తాయి.
జీవితం ఒక నాటకరంగం, మనం నటులు. ఈ నాటకంలో ఎన్నో వేషాలు వేసి అలసిపోయిన మనసు చివరికి విముక్తిని కోరుకుంటుంది. శరీరంలో బంధించబడిన ఆత్మకు మోక్షమే పరమసుఖం. పంజరంలో బంధించిన పక్షి బయటకు వచ్చినపుడు పొందే ఉల్లాసం, ఆత్మ మోక్షం పొందినపుడు పొందే ఆహ్లాదానికి చిన్నచూపే.
మొత్తానికి, కర్మ సిద్ధాంతం మనకు భయాన్ని కలిగించేది కాదు; అది ధర్మంలో నిలబడమని, నిజాయితీగా జీవించమని నేర్పుతుంది. మన కర్మలు స్వచ్ఛంగా ఉంటే మన భవిష్యత్తు కూడా స్వచ్ఛంగా ఉంటుంది. కర్మ ఫలితానికి ఎవరూ తప్పించుకోలేరు, కానీ సత్కర్మల ద్వారా మన జీవితం ఆనందమయమవుతుంది.
***
No comments:
Post a Comment