రూపాయి

 రూపాయి

రోజా రమణి 

రూపాయి రూపాయి నువ్వు ఏమి చేస్తుంటావ్? అని అడిగితే

ఉన్నోడికి భయం పుట్టిస్తుంటాను.

లేనోడికి ఆశ పుట్టిస్తుంటాను. 

ఉన్నోడిని వ్యసనాల పాలు చేస్తాను.

లేనోడి ఆకలితో ఆడుకుంటాను. 

* ఉన్నోడికి "నన్నెలా ఖర్చు పెట్టాలా! అని పరుగులెత్తిస్తాను."*

* లేనోడికి "నన్నెలా అందుకోవాలా అని ఉరకలెత్తిస్తాను."* 

* ఉన్నోడికి ఉప్పు కారం  వేసుకుని తింటే జబ్బు తెప్పిస్తాను*

లేనోడికి  ఉప్పు కారం వేసుకు తినాలంటే అప్పు చేయిస్తాను 

ఉన్నోడికి  కూర్చున్న చోటికి అన్నీ అందించి ఒళ్ళు తెప్పిస్తాను.

లేనోడికి  కావలిసింది దక్కాలంటే ఉన్న ఒళ్ళు కరిగిస్తాను. 

* ఉన్నోడి అహంకారాన్ని రెచ్చగొడతాను.*

* లేనోడి ఆత్మవిశ్వాసానికి సవాల్ నవుతాను.* 

ఉన్నోడికి భయంతో నిద్ర పట్టనివ్వను.

* లేనోడికి ఆశతో నిద్ర పట్టనివ్వను.* 

సరిగ్గా చెప్పాలంటే ప్రాణం లేని నేను, ప్రాణం ఉన్న మనుషులలో ఉన్నోడు, లేనోడు అని తేడా లేకుండా ఇద్దరినీ ఏకచక్రాధిపథ్యంతో ఏలేస్తుంటాను. 

✍️రోజా రమణి