అర్థం అనర్థం

అర్థం, అనర్థం

-     యామిజాల జగదీశ్

 

జీవితంలో అర్థం చేసుకుంటే

దౌర్జన్యమూ మృదువుగానే అనిపిస్తుంది

అర్థంకాకుంటే

మృదుత్వం కూడా

దౌర్జన్యంగానే కనిపిస్తుంది

అర్థం చేసుకుంటే

రాయి విసిరినా కూడా

పువ్వుగానే అనిపిస్తుంది

అర్థంకాకుంటే

పువ్వు పడ్డా కూడా

ఓ రాయి తాకినట్టే అనిపిస్తుంది

జీవితంలో అర్థం చేసుకుంటే

ఆయుధం కూడా కాగితంలా అనిపిస్తుంది

అర్థంకాకుంటే

కాగితం కూడా ఆయుధంలా అనిపిస్తుంది

 జీవితంలో అర్థం చేసుకుంటే

కోపం కూడా ఓ సుగుణంలా అనిపిస్తుంది

అర్థం కాకుంటే

సుగుణమూ కోపంగానే అనిపిస్తుంది

అర్థం చేసుకుంటే

విరసమూ సరసంగానే అనిపిస్తుంది

అర్థం చేసుకోకుంటే

సరసమూ విరసంగానే అనిపిస్తుంది..

జీవితాన్ని అర్థం చేసుకుంటే

చేర్పులూ మార్పులూ ఉంటాయి

ఇచ్చిపుచ్చుకోవడాలూ ఉంటాయి

అందుకే అర్థం చేసుకుని జీవించడం ముఖ్యం

***