Tuesday, May 23, 2017

thumbnail

మనసు మర్కటం

మనసు మర్కటం
 ప్రతాప వెంకట సుబ్బారాయుడు

అన్నీ సవ్యంగా జరుగుతున్నప్పుడు
మనసూ బలంగానే ఉంటుంది
మనిషీ దృఢంగానే ఉంటాడు
పరిస్థితులు కాస్త అదుపు తప్పాయా?
మనసు పరి పరి విధాల ఆలోచిస్తూ
మనిషిని బలహీనపరుస్తుంది
ఎవర్నిబడితే వాళ్లని, ఏది పడితే దాన్ని
బేలగా నమ్మేలాచేస్తుంది
చెట్టుకు పుట్టకూ మొక్కిస్తుంది
ముడుపులు కట్టిస్తుంది
చెయ్యకూడనివన్నీ చేయించి విచారించేలా చేస్తుంది
అసలు మనసును కట్టడి చేయగలిగితే
మనిషిగా పరిణతి సాధించినట్టే
పిపీలికమంతటి ఈ చిన్న కిటుకు తెలిస్తే
మేరువంత ఎదిగినట్టే
ధ్యానాది క్రియల్తో మనసును వశపర్చుకోవాలనుకునే
ఋషులు..సాధువులు కాలేకపోయినా
మామూలు మనుషులుగా నైనా
మనసు మర్కటాన్ని రాటకి కట్టేసి
చెప్పినట్టు ఆడేలా చెయ్యగలగాలి
అలా చేసి చూడండి
మనని మించినవారు మరొకడుండరు!
 ***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information