Wednesday, July 23, 2014

thumbnail

పదునైన కలం

                             పదునైన కలం

-  కలిగొట్ల కాంతి

 కలలలో తేలిపోతూ
కలకాలం గుర్తుండిపోయే
కమ్మని కవిత రాయాలని
కలం చేత పట్టుకుని కూర్చున్నాక
తెలిసింది!
రాయాలంటే
కావలసింది రాసే చేతులు కాదు
కరిగే కమ్మని హృదయం అని!
అక్షరాలు కాదు అక్షర సత్యాలు!
కన్నీటికి తడిసిన కథలలోని
కొత్త కోణాల భావజాలాలు!
హృదయంలో ఎగసిపడే
భావ సముద్రాల కెరటాల ఉప్పెనను
సాంత్వన పరిచి
అక్షర కెరటాల ఉప్పెనగా మార్చగలిగే
సూర్యుడిలోని చైతన్యం, చంద్రునిలోని చల్లదనం
కలిగిన ఒక పదునైన కలం!!

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information