Tuesday, August 22, 2017

thumbnail

ఇంద్రధనస్సు

ఇంద్రధనుస్సు
సుజాత తిమ్మన..
93 91 34  10 29

ఎదురు చూపుల వేదనలకు 
వయసు పై బడి నిలవ లేకున్నవి..

మొహావేసపు కలవరింతలు 
తాపాల సెగలో కాగి కాగి..
విరహపు మబ్బులనాశ్రయించాయి…..


నీ చుపులపైన నిదురపోయిన 
నా రెప్పలు ...
నీరెండ వెలుగులై ప్రసరిస్తున్నాయి..

తలుపులు తెరుచుకున్న 
పరువాల వాకిలిలోకి...
నీ వలపుల పిల్లతెమ్మెరలు 
పరుగు పరుగున వచ్చి చేరుతున్నాయి.


ఎదలోని సంగర్షణలకు సాక్షిగా..
జడలోనుండి విడివడిన ముంగురులు ..
చెల్లా చెదురుగా ఎగురుతూ నిలిచాయి.


ప్రేమ తత్వాన్ని మధువు వోలె 
త్రాగేసిన మన మనసులు 
ఈ విరహపు మబ్బుల రాపిడిలో ..
నలుగుతూ...ఓపలేని స్వేదాన్ని ..
చినుకులై రాలుస్తున్నాయి.


రెప్పలపైని నీరెండలో ..
మెరుస్తూ..చినుకులు..
అహో..! నిన్ను నన్ను కలుపుతూ..
వంతెనై వంగి ..వారధిగా నిలిచిందే..
ముచ్చటైన రంగు రంగుల ఇంద్రధనుసు.

నీకోసం..నీ కోసమే...
వెచ్చని ఊసుల ..
వెన్నెల జలతారు పట్టుకొని..
ఇంద్రధనుసు అంచుల జారుదామా..
ఈ లోకాన్ని మరిచి..
మనదైన మరో లోకంలో విహరిద్దామా...!!

************************


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information