Wednesday, March 22, 2017

thumbnail

నా మనోవాంఛిత ‘ప్రకృతి స్వరూపం’

   నా మనోవాంఛిత ప్రకృతి స్వరూపం  

 దినవహి సత్యవతి 


ఉషోదయాన  వీచే చల్లని పిల్లగాలులు
పి‌ల్లగాలులకు పరవశిస్తున్న రంగుల గులాబీలు
గులాబీలనుండి వెలువడుతున్న సుగంధ పరిమళాలు
పరిమళాలు నాసికాపుటములను త్రాకి మదిని మైమరపింపజేస్తుంటే..... 

ఎటు చూసినా పచ్చ పచ్చటి పంట చేలు
చేలలో ఏపుగా ఎదిగి కోతకొచ్చిన పంట
పంట కోస్తూ పడుచులు తీసే కూని రాగాలు     
కూని రాగాలు వీనుల విందుగా మనసును పరవసింపజేస్తుంటే.....

నీటితో నిండి కళ కళ లాడుతున్న నదులు , చెరువులు    
చెరువులలో ఉత్సాహంగా ఈత కొడుతూ  పిల్లలు కేరింతలు  
కేరింతల తాకిడికి  సున్నితంగా ప్రతిధ్వని చేస్తున్న గిరులు  
గిరులనుండి వీస్తున్న మలయమారుతాలు తనువును ఆహ్లాదింపజేస్తుంటే.....

ఎచ్చోట కేగినా  విశాలమైన రహదారులు
రహదారులకు ఇరువైపులా నీడనిచ్చే తరువులు  
తరువులపై  నెలవులేర్పరుచుకుని జీవిస్తున్న విహగములు   
విహగముల కిలకిలారావాలు కర్ణములను తాకి  మదిని మురిపింపజేస్తుంటే .....

చల్లని గాలులు, నీటితో నిండిన జలాశయాలు, పచ్చటి పంటచేలు,
నీడనిచ్చే పచ్చని తరువులు, విహగముల కిలకిలారావాలు మిళితమై
అచ్చెరువుగొలిపే  సౌందర్యాలు  హృదయమును రంజింపజేస్తుంటే.....
ఇంత సౌందర్యాన్ని నింపుకున్నదే  నా మనోవాంఛిత ...... ప్రకృతి స్వరూపం         
****



Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information