Tuesday, May 24, 2016

thumbnail

మనసు

మనసు

- ప్రతాప వెంకట సుబ్బారాయుడు


నా మనసు ఒక్కోసారి
మధుర ఫల వృక్షమై
ఆకొన్నవారి ఆకలికి ఔషధమవుతుంది
ఇంకోసారి
అమృత సరోవరమై
దప్పికతో ఉన్నవారి దాహార్తిని తీరుస్తుంది
మరోసారి
కష్టాలకి కుంగిపోయేవారికి బాసటగా నిలచి
సుభాషితాలతో సాంత్వన పరుస్తుంది
చూపుల్తో చల్లదనం
స్పర్శతో ఉపశమనం..కలిగిస్తూ
బేల మనసులకి మార్గదర్శకత్వం వహిస్తుంది
దృఢచిత్త నాయకుల అడుగుజాడల్లో
వినమ్రంగా గమ్యం వైపు సాగిపోతుంది
మనిషిని నడిపించే మనసు
మంచి ఛోదక శక్తయితే
మనిషి..మహాత్ముడవుతాడు
మనీషయితీరతాడు!
***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information