***తాదాత్మ్యత ***

***తాదాత్మ్యత ***

--మోపిదేవి భాస్కరరావు

ఈ సర్వం సహా సృష్టి లోని

అందమైన ప్రతి అణువూ నీలో ఉంది

ఈ అజరామర ప్రణయ జగత్తుకు

తన ప్రతీకవు నీవే అంది .

చూపుల్లో సూర్యచంద్రులు

ఊర్పుల్లో అగ్ని వాయువులు

నిడుపాటి కురుల్లో ఇరులూ మరులూ -

నీ గాత్రం కష్టసుఖాల సంకేతం

నీ మంత్రం సమస్త సౌభాగ్య సంకేతం

స్నేహంలో వసంత పవనాలు

విరహంలో వడగాడ్పులు

రాగ రంజిత అధరంలో

సుధా విప్రుషాలు .

కదిలే కాలంలోని అన్ని కదలికలూ

నీలో ఉన్నాయి అన్నీ నీవే అన్నాయి.

నీ చిరునవ్వుల సుందర

నందన వనాల్లో --

నేను మైమరచి విహరించాను

నీ ఊహో ద్వే గ జలపాత

మృదంగ ధ్వానాల్లో

నేను పారవశ్యంతో నర్తించాను .

నీ సౌందర్య పర్వతోన్నత శిఖరాలను

నేను అద్భుతంగా అధిరోహించాను .

నీ అపార దయా పారావారంలో

నేను ఆనందంతో అవగాహం పొందాను

నిజం --

నీవున్నదే స కృ త్తు

నీవు లేనిదేదైనా మృ త్తూ -అసత్తూ -

నా దాహానికి అమృత కలశానివి

నా ప్రాణానికి సూనృత రూపానివి .

*************************