Friday, October 23, 2015

thumbnail

గోధుమ మొలకల దోస

గోధుమ మొలకల దోస

- లీలా సౌజన్య


మొలకలు, తృణధాన్యాలతో కూడిన ఈ దోశ డయాబెటిస్ ఉన్నవారికి చాలా ఆరోగ్యకరమైన ఆహారం. ఎక్కువ సేపు కడుపు నిండుగా ఉంచే ఈ దోస, కెలొరీల పరంగా కూడా చాలా మంచిది.
కావలసిన పదార్ధాలు :
గోధుమ మొలకలు - 1 కప్. పెసర మొలకలు - 1 కప్. కందిపప్పు - 2 టేబుల్ స్పూన్లు మినప్పప్పు - 2 టేబుల్ స్పూన్లు. శనగపప్పు - 2 టేబుల్ స్పూన్లు ఉల్లిపాయ - ఒకటి ఎండు మిర్చి - 2 కర్వేపాకు - కాస్తంత ఉప్పు - రుచికి సరిపడేంత నూనె - 2 టేబుల్ స్పూన్లు
తయారీ విధానం : గోధుమ మొలకల్ని బాగా కడగాలి. శనగపప్పు, మినప్పప్పు, కందిపప్పును నీళ్ళలో గంట నానబెట్టాలి. పెసర మొలకల్ని శనగపప్పు, మినప్పప్పు, కందిపప్పు, ఎండు మిర్చితో గ్రైండ్ చేసి, దోశ పిండి లాగా తయారు చేసుకోవాలి. ఉల్లిపాయల్ని సన్నముక్కలు కోసి, తరిగిన కర్వేపాకు, ఉప్పు వేసి, ఒక పెద్ద బౌల్ లో కలుపుకోవాలి. పాన్ వేడి చేసి, కాస్త నూనె వేసి, పిండిని దోస లాగా వెయ్యాలి. మరికాస్త నూనె వేసి, రెండు ప్రక్కలా ఎర్రగా కాల్చి తీస్తే, ఎంతో ఆరోగ్యకరమైన గోధుమ మొలకల దోశ తయారు. మీరూ ప్రయత్నించండి.

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information