Saturday, November 22, 2014

thumbnail

వెర్రి మనసు

వెర్రి మనసు
- కరణం కళ్యాణ్ కృష్ణ కుమార్
            28.10.2014

సద్దు చేసే మనసు
బుజ్జగించేలోపు
లొల్లి చేసేనమ్మ
గిలిగింత బెట్టేనమ్మ
వెర్రి మనసు
*******
నవ్వుల సెలయేటిలో
గువ్వలా అయినా మారి
నువ్వలా ఉండంటు
సువ్వలా గుచ్చెనే
వెర్రిమనసు
**********
అటు ఇటు చూచేను
అల్లరి చేసేను
వద్దని అన్నానో
వెక్కెక్కి ఏడ్చేను
వెర్రిమనసు
************
మనుషులతో ఆడేను
మొండిగ మారేను
మొత్తుకున్నా గాని
రాను పొమ్మంటుంది
వెర్రిమనసు
************
ఎవ్వరేని ఊరడిస్తే చాలు
ఆగకుండా ఉరికేను
ఆగాగంటు ఆగ్రహించామా
మౌనమై అలకబూనేను
వెర్రిమనసు
************
నీవుంటే చాలంటూ
నీవెంటే నేనంటు
నీవులేక లేనంటూ
నీధ్యానమే చేసె
వెర్రిమనసు
************
కల్లలయ్యే కలలు
కలదు వలదన్న..
కాదు కాదంటుంది
కాకిలా వాలిపోతుంది
వెర్రిమనసు
*************
పగలు కనే కలలు
వగలమారివంటూ
పొగలు కమ్మునంటు
మొత్తుకున్నా వినదు
వెర్రిమనసు
**************
సుష నుంచి సుషుప్తి దాక
వేరు లోకాన విహరించె..,
వెనకకు పిలిచామా
వెర్రిగా అరిచేను
వెర్రిమనసు
**************
మదము కాదు ముదము..ఆ
మోదముకానె కాదని
మొఖమున చెప్పినగాని
మారనని మారాము చేసేను
వెర్రిమనసు
**************
శరములెన్ని గాయపరచినా
మచ్చుకు కనిపించనీదు
తనలోనె తాను కుమిలి
కన్నీరై కరిగిపోయేటి
వెర్రిమనసు
**************
అంతరాన లావాలు పొంగినా
అనంత భావాలు నొక్కిపట్టేటి
ఆకాశమంత దొడ్డ రా
వింత చేష్టలు చేసేటి
వెర్రిమనసు
**************
నీ చేతిలోనె బ్రతుకు
నీ  రాతలోనె నడత
నీ మాటలోనె మమత
నీ శాంతమె రక్షయన్న ...
మురిసి పోయేను ..
నింగికెగరేను..
నేలకూలేను
చిందులేసేను
చిత్తడి చేసేను...
వెర్రి మనసు !!

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information