Thursday, July 24, 2014

thumbnail

సరదా సమయం

సరదా సమయం

- వసంత శ్రీ

ఇంట్లో మన:శాంతి లేదండీ గురువుగారు. ఏ వ్రతం చెయ్యాలో చెప్పండి అడిగింది గంభీర కంఠీ .

గురువుగారు_ మీరు చెయ్యాల్సిన వ్రతం ఉందమ్మా చెప్తా , చేస్తారా? గం.కం :తప్పక చేస్తా చెప్పండి గురువుగారు.

గురువుగారు: మీరుచేయ్యల్సింది –మౌనవ్రతం.

****************************************************************************************************************************************************************************
 

ఇంటికి వస్తూనే హడావిడిగా –' నే మళ్ళీ మర్చిపోతానేమో రేపు మా కొలీగ్ వాళ్ళింట్లో భోజనానికి పిలిచారు,' చెప్పాడు అర్సంఝా రావ్.

ఎవరండీ అడిగింది సుమతి...

"నా ఫ్రెండ్ ముకర్జీ -కల్ హమారా ఘర్ మే భోజన్ హై,జరూర్ ఆనా,8 బజే  “ అని పిలిచేరు, చెప్పాడు అర్సంఝా రావ్.

 

అర్సంఝారావ్  భోజన ప్రియుడు  ,ఇంకేముంది ఇంచక్కా రసగుల్లలూ  స్వీట్లు అవీ తినోచ్చని  పిల్లలిద్దర్నీ తీసుకొని , సాయంత్రం వెళ్ళారు  .

అప్పటికి చాల మంది వచ్చారు. కొంత మంది డోలక్ అవీ రెడీ చేస్తున్నారు . పువ్వులు  డేకరేట్ చేసి, ఇల్లు బాగా సర్దారు . కేటరింగ్ ఐటమ్స్ కోసం చూస్తూ కూచున్నారు.

 

ఈ లోగా  డోలక్,హార్మొనియం  తీసి చక్కగా వాయిస్తూ ఎవరో పాటలు పాడుతున్నారు . వీళ్ళకి భోజనాలు లేట్ గా అలవాటేగా అనుకుంటూ కూచున్నారు. సరదాగా  కొన్ని పాటలు పాడారు వీళ్ళూనూ .

 

టైం 10 అయింది . పిల్లలకి బయటికెళ్ళి ఎదో తినిపించి వచ్చాడు  . 12అయింది  1,2,3.......టైం నడుస్తోంది . మధ్యలో మజ్జిగాలు అవీ వస్తున్నాయి కానీ భొజనాల జాడ లేదు ..

 

మర్నాడుదయం తెలిసింది –వాళ్ళు శివరాత్రి ఉపవాసం , భజనచెయ్యడానికి పిలిచారని , ప్రతీ సంవత్సరం అలా చేస్తారని, కొబిత చక్రబోర్తి అనే –పక్కావిడ చెప్పాకా  -

అర్సంఝారావ్ కి  బోధపరచింది సుమతి. భజన్ కి పిలిచారనీ,భోజనానికి కాదని. :)


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information