వరంలాంటి జీవితం

వరంలాంటి జీవితం

-ప్రతాప వెంకట సుబ్బారాయుడు

ఎప్పుడన్నా..

కాస్త సమయం చిక్కినప్పుడు

మనసు తోటలో అలా అలా విహరిస్తే

అందమైన పూలమొక్కలు

గంధపు సువాసనలు

విరిసిన ఇంద్రధనుస్సులు

కోకిల కూజితాలు

నడయాడే నెమళ్లు

ఓహ్! నా మనస్సే స్వర్గమన్నది 

అనుభవంలోకి వస్తుంది

ఈ మధురానుభూతి కోసం 

నేనెంత కష్టపడ్డానో..

ఊహ తెలిసినప్పటి నుంచి

మనసులోకి ముళ్లూ, రాళ్లూ చేరకుండా

మురికినీళ్లకు ఆవాసం కాకుండా 

కౄర జంతువులు విహరించకుండా

అప్రమత్తంగా ఉన్నాను

అందుకే

తనువూ మనసుల ప్రశాంతతతో

వరంలాంటి జీవితాన్ని 

సంతోషంగా అనుభవిస్తున్నాను

అనుభూతిస్తున్నాను.

***