చౌరస్తాలో దీపస్తంభం - అచ్చంగా తెలుగు

చౌరస్తాలో దీపస్తంభం

Share This

చౌరస్తాలో దీపస్తంభం
నాగ్రాజ్....

నడిరేయి సాగరతీరాన
ఎవరూ లేరని 
సిగ్గు వలువలు వొలిచేసి
ఆశలతలుపులు తెరిచేసి
వలపుల జడివానలో
తడిచిన ఆ క్షణాలు
ఎవరూ చూడలేదనుకున్నారు
ఆ ప్రేమజంట...!

తారు రోడ్డు ప్రహరిగోడై
నడకదారే పడకమంచమై
ఆదమరచి నిదురించిన
వీధి రాజుల 
వేదనల జీవనం
ఎవరికీ పట్టదనుకున్నడు
మేడలో మారాజు !!

ప్రేమపావురాల కువకువలు
విటులతెరచాటు వికృతాలు
నిరాశాబలవన్మరణాలు
కటికచీకటి చాటు కఠోరవాస్తవాలు
వెన్నెలవెలుగుల  నిఘా వేసాడు రేరాజు!
చౌరస్తాలో దీపస్తంభమై !
***

1 comment:

  1. నా కవితలని ప్రచురించి నన్ను ప్రోత్సహిస్తున్న అచ్చంగా తెలుగు సంపాదకులకు హృదయపూర్వక ధన్యవాదం

    ReplyDelete

Pages