Friday, February 23, 2018

thumbnail

మార్పు-తీర్పు

మార్పు-తీర్పు
పారనంది శాంత కుమారి

ఆమె...
తనబాల్యంలో,కన్నతండ్రి లాల్యంలో గడిపింది. 
నాన్నగుండెలో ఒదిగింది,నాన్నముద్దులో ఎదిగింది
నాన్న చేయిపట్టి అడుగులేసింది,
నాన్న మురిపెంతో మాటలునేర్చింది.
అప్పటివరకు ఆమెకు నాన్నేలోకం,నాన్నేసర్వం 
అన్నీనాన్నే,అన్నిటికన్నా నాన్నేమిన్న.
అంతలో వింతగా... 
ఆమెను యవ్వనం స్పృశించింది,
అదిఆమెను కొత్తగాసృజించినది.

దాంతో....
ఆమె తీరుమారింది,ఆమె దారిమారింది.
ఆమె ఆలోచన మారింది,ఆమె అనుసరణ మారింది.
కళలు మొదలయ్యాయి,కలలు ముదిమయ్యాయి.
కలలు కవ్వించసాగాయి,ఊహలు ఊరించసాగాయి,
కొత్తఆశలు ఆమెలో చిగురులుతొడిగాయి,
సరికొత్తబాసలు ఆమెను చేరువకమ్మని అడిగాయి. 
అంతే!

ఇన్నాళ్ళుగా నాన్నకు కొలువైన హృదయం 
ఇప్పుడు అతనికి నెలవైంది.
ఇన్నేళ్ళుగా నాన్నసన్నిధిని కోరుకున్నఆమె,
ఇప్పుడు అతనిని తన పెన్నిధిగా భావిస్తోంది.
అనివార్యమైన మార్పు ఆమెమనసును స్పందించింది,
ఆవయసుకు సహజమైన తనతీర్పును ఆమెకందించింది.
ఆమె నాన్నను మరిచింది,అతనిని వలచింది.
నాన్నని విడిచింది,అతనిని చేరింది.
నాన్నకళ్ళలో నీరు ఆమెను ఆపలేకపోయింది.
నాన్నగుండెల్లో వేదన ఆమెనిర్ణయాన్ని మార్చలేకపోయింది.
ఈ మార్పును నాన్నహృదయం తట్టుకోలేకపోయింది,
విధిచెప్పిన ఆతీర్పు నాన్నగుండెను ఆగేలాచేసింది. 
***


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information