Thursday, November 23, 2017

thumbnail

మల్లెల గుబాళింపులు

డా. వారణాసి రామబ్రహ్మం 

మల్లియల తలుచుకోగానే మనసులో చల్లదనం 
"వల్లె వల్లె" యని తనువున వెచ్చదనం 
సింగారి సిగలో వెన్నెల రుచిమయ దరహాసం 
శృంగార భావనలతో హృది అంతా రస సంతోషం.

వేసంగిని గుబాళించు పుష్ప రాజములు  
నాసికకు పరిమళ భోజనములు 
రత్యోద్దీపకము పక్కల పక్కన రమణుల కలకలముల
కలకాలము గుబాళించు ఆనందానుభవ దాయకము.

యోగిపుంగవుల మనముల వలె  స్వచ్ఛము 
తెల్లదనము; కోమలుల మేని స్పర్శ వలె మృదులము 

విరిసీ విరియని మొగ్గల వలె సగము ముకుళించి 
సగము విరిసిన కన్నెల మనసుల బోలు తెల్లని పూలు .

మల్లెలే కవుల మానసములకు ప్రేరకములు 
ప్రణయినీ మధుర స్మృతుల గుర్తుకు తెచ్చు 
సుగంధ గాత్ర యుతములు; రస రాత్ర రంజకములు 
మల్లెలే ప్రణయిని  రస ప్రసారణములు; రతి సుఖ ఖనులు .

మల్లెలు లేని వేసంగి వలపు లేని బ్రతుకు; చంద్రుడు లేని పున్నమి 
పూర్ణ చంద్రబింబ కౌముదుల ప్రసరించు 
మల్లియలు మనకు ప్రకృతి వరములు 
మల్లియల మాలలు ప్రణయినీ పరిష్వంగ అల్లికలు.

మళ్ళీ మళ్ళీ అలరించే మధుమాసపు ముత్యాల సరాలు 
మల్లెల వంటి మనసు అటువంటి సొగసు కల తరుణ రమణీ 
స్నేహము సాంగత్యము సంగము సంగమము ధరణిని స్వర్గము 
ఆనందార్ణవ తరణము రసాంబర విహరణము రమ్య సుఖాభరణము 
మల్లెల గుబాళింపులే మన మనసుల బ్రతుకుల మందహాసములు.

Subscribe by Email

Follow Updates Articles from This Blog via Email

Comment with Facebook

1 Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information