Sunday, July 23, 2017

thumbnail

అక్షర చినుకులు

అక్షర చినుకులు
 ...అఖిలాశ  

శ్రీ బండికల్లు జమదాగ్ని గారు రాసిన 'మట్టి నా చిరునామా' కవిత సంపుటి సాయంత్రం వేళ వర్షం కురిసినప్పుడు వచ్చేమట్టి సువాసన ఎలా ఉంటుందో అలానే ఉంది. ఆయన అక్షరాల వర్షం మన గుండె నేల పై కురిసి ,మన హృదయం పరిమళభరితం అవుతుంది.
కదలిక అనే కవితలో మట్టి,రైతు మరియు విత్తనం యొక్క అనుబంధాన్ని చెప్తూ ,వారే నా చిరునామా అని ప్రకటించి తను బడుగు బలహీన వర్గాల కవి అని తెలియజేసారు.నువ్వంటే వెన్నెల అని తన ప్రియురాలిని వెన్నెలతో పోలుస్తూ రాసిన కవిత ప్రేమతత్వాన్ని భోదిస్తుంది. కరచాలనం ఒక సంగమం అని చెప్పి ఆ స్పర్శతో దుఃఖాలన్ని హరించుకుపోతాయి అంటారు. కాల చక్రాన్ని శాసించే సూర్య చంద్రుల గురించి చెప్తూ, ఆ కాల ప్రవాహంలో మనము కొట్టుకుపోతాము అని నిజాన్ని నిర్భయంగా చెప్పారు.
కొన్ని ఛాయాచిత్రాలు జీవితానికి స్పూర్తినిస్తాయి మరి కొన్ని హృదయంలో పదిలమౌతాయి అంటూ ఛాయాచిత్రాల గొప్పదనం గురించి తన అభిప్రాయాన్ని విశ్లేషించారు. తొలకరి సొగసుల్లో తడిపి ముద్ద చేస్తూ ,చైతన్యము వైపు మౌన ప్రవాహలై సాగాలి అని తన ఆకాంక్షను వినయంగా ఆకుపచ్చని సందేశంతో మనకు తెలియజేస్తారు. గోదారమ్మ గొప్పదనం...మన తెలుగు బాష కమ్మదనాన్ని చక్కగా కవిత్వకరించారు.
ఈయన మంచి ప్రేమ కవి కనుక, నీ రూప లావణ్యమే,తలపుల బందిని,జ్ఞాపకాల నీడలలో చూపులకు ప్రేమనివ్వడం తెలుసు,ప్రేమంటే,ప్రేమికులం,నీ నవ్వు,చెక్కిలి అందం,ఎన్ని జన్మలైన,అణువణువులో,ఇలా చాల కవితలు ప్రేమ గురించి,భార్యభర్తల అనుబధం గురించి చక్కని భావుకతతో నింపేశారు.
***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information