Tuesday, May 24, 2016

thumbnail

ఈ తొలిప్రేమ యదలోన చిగురించని

ఈ తొలిప్రేమ యదలోన చిగురించని

 రెడ్లం చంద్రమౌళి 


పల్లవి:                 ఏడు జన్మాలకూ వీడిపోలేమని
                        రెండు హృదయాలనూ నేడు ఒకటవ్వని
                        ఈ తొలిప్రేమ యదలోన చిగురించని
                        నా మదినేలు మహరాణి నీవేనని
అను పల్లవి:          శ్రుతివే  నీవైతే  లయ నేనే
                        చితిలో తోడుండే  ఒక జతనైరానా           װఏడు జన్మాలకూװ

చరణం:1                ఈ చిరుగాలి తాకిడే రేపే నీ మేని హొయలు
                          నీ పెదవంచు నవ్వులే అవి నా మనసంత దోచె
                          నీ మీద నాకున్న ప్రేమకి నీ మదిని చోటీయవా...
                          అలివేణి చక్కిళ్ళ చాటున తను సిగ్గుల మొగ్గైనది
                                                                        װఏడు జన్మాలకూװ

చరణం:2                  ఈ బంగారు బొమ్మతో వేసే అనురాగ బంధం
                          ఈ చిలకమ్మ ఊసులే నాలో రేపేను భావం
                          నీ ఊహ యద మీటి తాకితే నా వేణి శ్రుతి పలికెనే
                          నా లోని భావాలు వెల్లువై నీ హృదయాన్ని కదిలించని
                                                                        װఏడు జన్మాలకూװ

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information