Friday, August 22, 2014

thumbnail

సౌందర్యాతిశయం నీవు

సౌందర్యాతిశయం నీవు !

(చిత్రం : చిత్రకారులు ఉదయ్ కుమార్ మార్లపుడి )

- శశి బాల

ఏ పువ్వు చూసినా

కనిపించేది నీ దరహాస రేఖలే

ఏ కలకూజితాల కలకలలు విన్నా

వినిపించేది నీ హాస లాస్య గమకాలే

ఏ నాట్యం చూసినా తెలిసేది

నీ మేని వంపుల శృంగార భంగిమలే

ఏ నాదం విన్నా మైమరపించేది

నీ మధుర స్వర వీణాధునీ కలిత రాగాలే

ఏ మెరుపు చూసినా కనులు

మిరుమిట్లు గొలిపేది నీ తనూ విలాసమే

ఏ తెమ్మెర వీచినా మనసుని మత్తేక్కించేది

నీ మేని సుగంధ పరిమళమే

ఏ తూపులు ఎద తాకినా గుచ్చి బాధించేది

నీ చూపుల కొ (ఓ ) ర తనమే

ఏ తుమ్మెద ఝుమ్మని వాలి గ్రోలినా

విరి తేనెల ధిక్కరించు నీ అధరసుధారస సంపదే

ఏ మన్మధుడైనా పొరబడితే

అది రతిని మించిన నీ సౌందర్యాతిశయమే

ఏ కోమల కుసుమం తాకినా తెలిసేది

నీ లలిత లావణ్య కర స్పర్శనా మహత్యమే

విరించి నిన్ను సృశించిన పిదప

ఒక్క క్షణం తదుపరి సృష్టినే మరచేనేమో

ఇంతెందుకు ప్రియా నీవొక శృంగార రసాధి దేవతవు !


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information