“తెలుగు – ఇల్లు “

“తెలుగు – ఇల్లు “

- తోలేటి జయశ్రీ

తెలుగింటి వాకిట – ముత్యాల ముగ్గులు

మావిళ్ళ తోరణాలు – సందళ్ళు శోభలు

తెలుగు లోగిళ్ళు   – అనురాగ నిలయాలు

పండుగలు పబ్బాలు – నిండు సంబరాలు

తెలుగింటి పురుషులు –  వైకుంఠ మూర్తులు

ఇంటిల్లిపాదిని  పాలించే – విష్ణు అవతారాలు

తెలుగింటి కోడళ్ళు – శ్రీమహాలక్ష్ములు

ఒడిపంట పండితే –  ఆనంద సంగీతాలు

పసిపాప కేరింతలు – ఉయ్యాలజోల పాటలు

అచ్చట్లు ముచ్చట్లు – నట్టింట నయగారాలు

వంటలూ వేడుకలు – విందులూ వినోదాలు

పిన్నాపెద్ద అందరూ – కలిసే ఆప్యాయతలు

తెలుగింటి మాట – ముత్యాల మూట

నోరార పిలుపులూ – అనురాగ శృతులు

తెలుగింటి  మనసులు  – రతనాల రాశులు

మమతలు ప్రసరించే – సుగుణాల రత్నాలు

ఎన్నెన్ని శోభలో – అచ్చ తెలుగు ముంగిట

తెలుగు సామ్రాజ్యాన – వెలుగులే వెలుగులు