మాతృభాషకు వందనం
-పోడూరి శ్రీనివాసరావు
9849422239
అమ్మ అనేమాట అమృతతుల్యం
యెంత చక్కని భాష – మధురాతిమధురం !!
ఆంధ్రభోజునే అలరించినదీ భాష
పాశ్చాత్య వ్యామోహంతో తన ఉనికినే
కోల్పోయిన భాష మన భాష – మన తెలుగు భాష !!
మాతృభూమి అంత గొప్పదైన
తల్లిభాషపై మనకీ చిన్న చూపేల ?
మమ్మీడాడీ సంస్కృతికి తిలోదకాలిచ్చి
అమ్మానాన్నల సంస్కృతిని స్వాగాతిద్దాం !!
మన భాషా, మన సంస్కృతుల
అభ్యుదయానికై పాటుపడదాం !
వెనకాడవద్దు – ప్రాణత్యాగానికైనా
తెలుగుభాష ఘన చరితను స్మరించుకుందాం !!
మన భాషాప్రాభవాన్ని ముక్తకంఠంతో
ఎలుగెత్తి జగతికంతా చాటుదాం
దిక్కులు పిక్కటిల్లేలా నినదిద్దాం
తెలుగుభాష గొప్పతనాన్ని !!!
అన్యభాషీయుల భాషాభిమానానికి
తలవంచుకుని సిగ్గిల్లుదాం !
మనలో ఆ ఐక్యత, భాషాభిమానం
ఎప్పుడా అని ఎదురు చూద్దాం !!
ప్రాజ్ఞులు చేసే కదనంలో చేయికలుపుదాం –
ఉడతాభక్తిగా మన మాతృభాషపై
తెలుగు వెలుగులు వెలయిద్దాం !!
తెలుగు భాష సముద్ధరణకు
నడుం బిగించి నిలబడదాం
మనభాష బావుటా శిఖరాగ్రం పైన
రెపరేపలాడేలా చేద్దాం !!
ఇదే మన తెలుగుభాషకు మనం
సమర్పించే మాతృభాషాభివందనం !!
***
No comments:
Post a Comment