Thursday, June 22, 2017

thumbnail

ప్రకృతి గుర్తించిన అమ్మ గొప్పతనం

ప్రకృతి గుర్తించిన అమ్మ గొప్పతనం
భమిడిపాటి స్వరాజ్య నాగరాజా రావు.

సహనం అమ్మను చూసి సిగ్గు పడుతోంది,
ఓపిక అమ్మను చూసి ఉస్సూరంటోంది,
నమ్మకం అమ్మను చూసి నిట్టుర్చుతోంది,
వినయం అమ్మను చూసి వెన్ను వంచుతోంది,
తెలివి అమ్మను చూసి తెల్లబోతోంది,
ప్రేమ అమ్మను చూసి పిచ్చిదవుతోంది,
విశాలత్వం అమ్మను చూసి వెలవెలపోతోంది,
కరుణ అమ్మను చూసి కరిగిపోతోంది.
ఐనా,ఆమె కడుపున పుట్టినవాళ్ళు  మాత్రం, 
ఆమె విలువను గుర్తించలేకపోతున్నారు.
అమ్మ ప్రేమను కీర్తించలేక పోతున్నారు.
ప్రకృతిలోని సద్గుణాలన్నీ అమ్మకి వినయంతో నమస్కరిస్తున్నా,
పిల్లలు మాత్రం తమలోని వికృతాలను  సంస్కరించుకోలేకున్నారు.
పరమాత్ముడు సైతం అమ్మకు విలువనిస్తూఉన్నా,
పాపాత్ములు మాత్రం అమ్మకు శిలువవేస్తున్నారు.
   

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information