Thursday, September 22, 2016

thumbnail

ప్రేమ మిగిలే ఉంది

ప్రేమ మిగిలే ఉంది

 యామిజాల జగదీశ్


అప్పుడు ప్రేమ అనడానికి
అర్ధం ఏదీ తెలీలేదు
కానీ
ఏ కాస్తైనా ప్రేమ అని చెప్పుకోవడానికి
ఓ స్వల్ప ఏకాంతమే అవసరమయ్యింది
తెల్లవారి వెలుగులో కలిసే
ఆ చూపులతో మమేకమవడంతో
కన్నాను ప్రేమను
మనసును కట్టిపడేసే
నీ ముంగురులు గాలికి
సయ్యటలాడుతుంటే
కన్నాను ప్రేమను
తటాలున అనుకోకుండా
ఇచ్చిన ఓ ముద్దు మోముతో
కన్నాను ప్రేమను
ఓ చిన్నారికి రహస్యంగా ముద్దిచ్చే
ఓ పెద్దాయన పెను శ్వాసలో
కన్నాను ప్రేమను
ప్రత్యర్ధి అనుకున్న ఒకరిని
అతిధిగా స్వీకరించిన తరుణంలో
కన్నాను ప్రేమను
ఎప్పుడూ ఒక్కటిగా నిద్రపోయే
సఖుల అంతరంగ కలలో
కన్నాను ప్రేమను
కౌగిలించుకోలేని ఓ దేహాన్ని
అనుకోకుండా అక్కున చేర్చుకున్నప్పుడు
కన్నాను ప్రేమను
ఎవరికోసమే ఎవరో
నరుక్కునే నరాలలో
పవిత్రమైన రక్తధారలో
కన్నాను ప్రేమను
మరేదైనా జరిగి ఉండవచ్చు
మరెలాగైనా ఉండు ఉండవచ్చు
ఏదేమైనా ఇప్పుడు
మిగిలే ఉంది ప్రేమ
ఓ చిన్నపాటి స్వార్ధంలో
ఓ స్వల్ప ఏకాంతంలో
ఓ చిన్ని చిన్ని సంఘటనల్లో !
 ***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information