Thursday, July 24, 2014

thumbnail

నమో మాత భారతీ!!

నమో మాత  భారతీ!!
- నాగ జ్యోతి సుసర్ల
జయము జయము భరతమాత
జయ జనతా  సువిరాజిత
జయ జగతీ సువిఖ్యాత
జయహొ జయహొ సుజననుతా!!
సకల పుణ్య నదీ ప్రవాహిత
సప్త మోక్ష పురీ పదార్చిత
సర్వ వీర మాతృచరిత
సఫల శుభద సుధా కలిత || జయము||
త్రిపధ సాంద్ర పరివేష్టిత
త్రిజగోన్నత అచలధరిత
త్రివిధ దళ పదాతి భరిత
త్రిపుర సుందరీ సమ్మానిత ||జయము||
విశ్వ విజయ ఘన కామిత
వివిధ దేశ విపుల వినుత
విమల సర్వ కవి సేవిత
విజయ భరిత రాజ పూజిత ||జయము ||
నాద వేద కళా సుపూజిత
నాక లోక సుర సేవిత
నవ జాగృతి తవ సంతతి
నమో మాత భారతీ...నమో మాత  భారతీ!!

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information