ఇది ఉషస్సు పాడిన గీతం

ఇది ఉషస్సు పాడిన గీతం

 

పెయ్యేటి రంగారావు

ప.   ఇది ఉషస్సు పాడిన గీతం 

మరి తమస్సు రాదని భావం ||

అ.ప.   చల్లని సిరివెన్నెల మనసంతా నిండింది 

ఆరెడు చిరుదివ్వెకు ఊపిరిగా నిలిచింది ||

చ.1    మోడై మిగిలిన మదిలో ఆమని మరి ఇక పోనని 

బాసట లిడుకొని నవ్వుల తొలకరి చిలికింది వలపుల విరివని వేసింది | ఇది |

చ.2.     వాడిన విరులకు తావుల నొసగి ముసిరిన ఇరులను 

తొలగగ చెలగి హరివిల్లు వలె వెలిగింది సరిజోడయి తా మెలిగింది | ఇది |

**************