Friday, March 23, 2018

thumbnail

వసంతకాలపు పువ్వులం

వసంతకాలపు పువ్వులం
బాలగేయాలు
- వివరణ: టేకుమళ్ళ వెంకటప్పయ్య


వసంత ఋతువు
భారతదేశంలో వివిధ కాలాలలో వాతావరణంలో ఏర్పడే మార్పులను బట్టి సంవత్సరంను ఆరు ఋతువులుగా విభజించారు. అవి వసంత ఋతువు, గ్రీష్మఋతువు, వర్షఋతువు, శరదృతువు, హేమంతఋతువు, శిశిరఋతువు. వాటిల్లో ఆహ్లాదమైనది వసంతఋతువు. వసంత ఋతువులో చెట్లు చిగురిస్తాయి. ఉగాది పండగతో ఈ ఋతువు ఆరంభం అవుతుంది.
చైత్ర, వైశాఖ మాసములు. చెట్లు చిగురించి పూవులు పూయు కాలము. ఋతువుల రాణీ వసంతకాలం అంటారు. ఆ వసంత కాలం ప్రాముఖ్యత తెలియజేస్తూ రాసిన పాట.

వసంతకాలపు పువ్వులం
వానా కాలపు చినుకులం
నవ్వీ నవ్విస్తూ చిందులేస్తూ
నట్టింట తిరిగే పిల్లలం(2)
వసంతకాలపు పువ్వులం
వెనుక ముందు తరాల నడుమ
వెలిగే చిరు వేకువ రేకలం(2)

భవితవ్యపు బాటలలో
చీకటులను తొలగిస్తాం(2)
చీకటులను తొలగిస్తాం

వసంతకాలపు పువ్వులం
మహానీయులు మసలిన నేల-
మొలచినట్టి మొలకల మేము(2)
దేశ మాత ప్రగతి రథానికి
ఆశయాల పూలందిస్తాం(2)
ఆశయాల పూలందిస్తాం
వసంతకాలపు పువ్వులం
బాపూజీ చాచా నెహ్రూ
కలలుగన్న భరతావనిని(2)
సమత, మమత సందర్శించే
మానవతకు గుడిగా చేస్తాం(2)
మానవతకు గుడిగా చేస్తాం
వసంతకాలపు పువ్వులం

-0o0-

రచన: శ్రీ వారణాసి వెంకట్రావు గారు, విజయవాడ.

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information