Friday, March 23, 2018

thumbnail

ఉగాది

ఉగాది 
వై.ఎస్.ఆర్.లక్ష్మి   

చైత్ర మాసమాదిగా యుగాది యేతెంచె 
     ఆనందమీయగా 
    అవనిపై అఖిల జీవులు 
   చైతన్య భరిత మవ్వగా 
చిగురు తొడిగిన తరుల తనువులు 
    కళకళ లాడగా 
   లేత మామిడి పిందెలు తెలుగు ఉగాది ఏటికేడాది వచ్చునని 
   హొయలు పోవగా 
   కుహు కుహూ రవములతో కోకిలలు 
   మంగళవాద్యములూదగా 
    ఆరురుచులతో ఆరుఋతువుల 
   పరమార్థము తెలుప 
   షడ్రుచుల వేప పచ్చడి నోటికి 
   విందుచేయ 
    మోదఖేదములు లేని జీవనం లేదని 
    తెలియజేయ 
    సకల వేదాంత సారమిదెయెనని 
    ఎరుకగలగ 
    వసంత కన్యక నవాభ్యుదయానికి 
    నాంది పలుకగా 
    మాన్యులకు,సామాన్యులకు,వాదులకు,ఉగ్రవాదులకు 
    మహిలోన కాలధర్మమొకటేనన్న 
     సత్యమెరిగి 
     గతము తలచుకొనెడి చేదు సంగతులు మరచి 
     నేటి తలపులకు నవ్య చిగురు లద్ది 
     రేపటి ఆశలకు మోసులు వోసి
     ఓ విళంబా!సకల శుభములు మెండుగ దోడ్కొని
     సాగిరమ్ము!
     జయము జయము నీకిదే మా స్వాగతమ్ము!

             *****.   *****.   *****.  *****.    

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information