Thursday, March 22, 2018

thumbnail

కవిత

కవిత
 భమిడిపాటి స్వరాజ్య నాగరాజా రావు.

అక్షరమై మెరిసి, అక్షయమై కురిసి,
వాక్యమై విరిసి,మనుగడై మురిసి
హటాత్తుగా ఆవిర్భవిస్తుంది కవిత.
రమ్యంగా అడుగిడి, మౌనంతో కలబడి, 
భావంతో ముడిపడి, హృదయంతో జతపడి,
ఆశ్చర్యాన్ని ఆవిష్కరిస్తుంది కవిత. 
ఊహల్లో పిలిచి,ఊపిరిగా నిలిచి,
విచిత్రంగా వలచి,చెంతనే నిలిచి, 
మనసుతో మమేకమౌతుంది కవిత.
ఆవేశంతో పుట్టి,ఆలోచనతో పెరిగి,
ఆనందంలో కరిగి,అధ్బుతంతో కలిసి,
కాయితంపై ఒరుగుతుంది కవిత.
అదృశ్యంగా నిలిచి,అంతలోనే తెలిసి,
ఆదరమై పిలిచి,ఆదర్శమై కులికి, 
ప్రత్యక్షమౌతుంది కవిత.
ఆనందంలో ఐక్యమై,అనుబంధంతో సఖ్యమై,
ఆవేదనలో ముఖ్యమై,ఆలోకనతో లౌఖ్యమై
ప్రేమతో పరుగున వస్తుంది కవిత.
 ***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information