Thursday, February 22, 2018

thumbnail

జీవితం

 జీవితం.........!
-   పరిమి నిర్మల


జీవితం.........!

సత్యమనిపిస్తూనే
అసత్యమని తోస్తుంది.
క్షణికమని రుజువిస్తూ
అంతమేదని అంటుంది.
మోహమని ప్రవచిస్తూ
మాయలో ముంచేస్తుంది.
క్షణకాలపు వ్యవధిలో
రాత తిరగేస్తుంది
కల నిజమయ్యేంతలో
కధని మార్చేస్తుంది
చేదు అనుభవంలో
మంచి వెతికిస్తుంది.
ఎంత తెలుసనుకున్నా
కొంత వెలితిగానే ఉంటుంది.
జీవితం.....
మలుపులెన్నో చూపి
కొత్త గమ్యం చేరుస్తుంది.
జీవితం.......
అంతుచిక్కని ఒక ప్రశ్నలా ఉంటుంది.
బదులు తెలిసేలోగా ప్రశ్న మారిపోతుంది.
జీవితం.....
గతించినదంతా బాగు అనిపిస్తుంది.
రాబోవుదానికై వ్యధను కలిగిస్తుంది
తృప్తిగల వానికి ఆనందమై గడుస్తుంది
తృప్తి లేనివారికి..........
కొరతగా ముగుస్తుంది.
అవ్యక్తమౌ ఒక భావమే జీవితం !
అడుగడుగునా కాలం నేర్పే 
అనుభవమే...... ఈ జీవితం !! 

***


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information