Saturday, September 23, 2017

thumbnail

పొదుపు

సుబ్బుమామయ్య కబుర్లు!
పొదుపు


పిల్లలూ!
మీ అమ్మానాన్నలో, ఇంటికొచ్చిన పెద్దవాళ్లో మీమీద ప్రేమతో మీకిచ్చే డబ్బు ఏం చేస్తారు? అప్పటికప్పుడు మీక్కావలసింది కొనేసుకుంటారా? లేక డబ్బాలో దాచుకుంటారా? డబ్బు చేతిలో పడంగానే తినేవాటినుంచి, ఆడుకునే బొమ్మలదాకా అన్నీ కొనేసుకోవాలనిపిస్తుంది. కదూ! అది తప్పుకాదర్రా! కాని, కొంత డబ్బుతో కావలసింది కొనుక్కుని, కొంత దాచుకోవాలి. ఎందుకంటే ముందు ముందు ఎప్పుడన్నా మనకి కావలసింది కనిపిస్తే కొనుక్కోవచ్చు. అవసరాలకి వాడుకోవచ్చు. దీనినే పొదుపు అంటారర్రా!
నా చిన్నప్పుడు మట్టి ముంతలో, కిడ్డీ బ్యాంకులో డబ్బు దాచుకునేవాళ్లం. ఇప్పుడేమో పోస్టాఫీసులు, బ్యాంకులు పిల్లల కోసం ఖాతాలు నిర్వహిస్తున్నాయి. మీరెంచక్కా పెద్దవాళ్లతో వెళ్లి అకౌంట్ ఓపెన్ చేసుకోవచ్చు. మీచేతిలోకి డబ్బు వచ్చినప్పుడు, అకౌంట్లో జమ చేసుకోవచ్చు. మీరు కష్టపడి దాచుకున్నది కదా! పాస్ బుక్ లో మీ పేరున ఉన్న డబ్బును చూడంగానే ఎంత ఆనందం కలుగుతుందో! మీకు అవసరం వచ్చినప్పుడు, డ్రా చేసుకుని కర్చు కూడా పెట్టుకోవచ్చు. ఇలా మీరు చిన్నప్పట్నించి చేస్తే మీ భవిష్యత్తు ఎంతో బాగుంటుంది. అన్నట్టు మీరు ఇలా కర్చు పెట్టే ప్రతి పైసా పుస్తకంలో రాసుకోవడం అలవాటు చేసుకుంటే..మీరు డబ్బుకు సంబంధించిన విషయాల్లో చాలా జాగ్రత్తగా ఉన్నట్టు. నిజంగా అవసరాలకి ఇఅర్చు పెడుతున్నారా? లేక దుబారా చేస్తున్నారా? అన్నది స్పష్టంగా తెలుస్తుంది. చిన్నప్పుడే తెలుసుకోవలసిన ముఖ్య విషయం ఇది. 
మరి నేను చెప్పినవి ఆచరిస్తారుగా!
ఉంటాను మరి.
మీ మామయ్య
ప్రతాప వెంకట సుబ్బారాయుడు

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information