Tuesday, August 22, 2017

thumbnail

వేణుమాధవా!

వేణుమాధవా!
  పెయ్యేటి రంగారావు.

వేణుమాథవా!! నందనందనా!!
మనసుకున్న నయనద్వయముతో
నిన్ను గాంచుటే ఇక మిగిలేనా? 
వ్రేపల్లెకు విరహవేదనా? 
తీరబోని వెతలు మిగిలెనా    ||


వ్రేపల్లెను వీడినావు 
కరకుదనము జూపినావు 
మరచినావొ గోపకాంతల
మరగినావొ రాజ్యకాంక్షను ||


మధురా నగరికి తరలినావే
గద్దె మాన్యమని తలచినావే 
అనుబంధాలను త్రెంచినావే
అమవస నిశిలో ముంచినావే ||


పాడియావుల వదలి వెడలుట 
పాడికాదుర గోపబాలుడా 
వేలు పదారు గోపకాంతల
గోడు వినరా గోవిందుడా ||


తరలి రారా, మరలి రారా 
మాధవా, మానసచోరా 
తాళలేమురా, కరుణ జూపరా 
దనుజహారీ, ఓ మురవైరీ! ||
______________

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information