Tuesday, August 22, 2017

thumbnail

వాళ్ళకేమీ తెలియదు పాపం

వాళ్లకేమీ తెలియదు పాపం
~~~~~~~~~~~~~~~~~~
- కుంచె చింతాలక్ష్మీనారాయణ.



పొద్దెటుపోతోందో..
పొద్దెటువస్తోందో...
వాళ్లకేమీ తెలియదు పాపం!

ఏతం బావులు పోయే
బోరుబావులొచ్చె 
సూర్యనమస్కారం చేసిన 
చేత్తో అర్థించాల్సొస్తుందని 
చుక్కరాకపోయేనని
వరుణదేవున్ని పూజించాల్సొస్తుందని
పుడమికి ఎన్ని తూ ట్లు పొడిచినా
గుక్కెడైనా నీల్లురావని
వాళ్లకేమీ తెలియదు పాపం!


ఈ సమాజమెటుపోతోందో..
ఈతీరుతెన్నులేంటో..
ఈవింతపోకడలేంటో..
ప్రపంచీకరణ పేరుతో...
రోడ్లవెడల్పుకో చెట్టు
సినిమా షూటింగుకో చెట్టు
సాగుకోసం అడవులు 
గనులకోసం కొండలు
పచ్చని ప్రకృతి అంతరించిపోతుంటే..
భూగర్భ జలాలు అడుగంటి పోతుంటే...
కరెంటు కాలయముడాయె
కరెంటు తీగ యమపాశమాయె
వాళ్లకేమీ తెలియదు పాపం !


వాళ్లకి తెల్సిందల్లా...
దుక్కిదున్నడం
పంట చేల్లోపండించడం
నలుగురికింత అన్నం పెట్టడం
మూగజీవాలను ప్రేమించడం
బిడ్డల నవ్వులకు మురిసిపోడం 
సూర్యోదయానికి
జోడెడ్ల బండిలో వెళ్లి
రెక్కలకష్టం చేసి
సూర్యాస్తమయానికి
గూటికి చేరుకోవడం తప్ప
వాళ్లకేమీ తెలియదు పాపం!!

***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information