Tuesday, August 22, 2017

thumbnail

గట్టి పకోడీలు

 గట్టి  పకోడీలు  .
                                                                              ఆలూరు కృష్ణప్రసాదు

పకోడీలు  అందరూ  పలు  విధాలుగా   చేస్తారు  .
మెత్తని  పకోడీలు  , గట్టి పకోడీలు ,  ఉల్లిపాయ  పకోడీలు , కాలీ ఫ్లవర్  పకోడీలు ఇలా  రక రకాలుగా  చేస్తారు .
శనగ పిండి  మరియు  బియ్యపు  పిండి  పాళ్ళలో   తేడా ననుసరించి  గట్టి  పకోడీలు  మరియు  మెత్తని  పకోడీలు  చేసుకోవచ్చును .
ఈ  మధ్య  మెత్తని  పకోడీలు  గురించి  వివరించాను.
అవి  ఒక రోజు  మాత్రమే  నిల్వ  ఉంటాయి .
గట్టి  పకోడీలు  మూడు  నాలుగు   రోజులు  నిల్వ ఉంటాయి .
గట్టి  పకోడీలు  తయారీ  విధానము  .
కావలసినవి .
శనగపిండి  --   ఒక  కప్పు 
బియ్యపు  పిండి  --  పావు  కప్పు
ఉల్లిపాయలు  --  4
పచ్చిమిర్చి   --  8
కారం  --  స్పూను
ఉప్పు  --  తగినంత 
తరిగిన  కరివేపాకు  --  పావు కప్పు .
నూనె   --  అర  కిలో

తయారీ  విధానము  .
ముందుగా   ఉల్లిపాయలు  నిలువుగా   తరుగుకోవాలి .
పచ్చిమిర్చి  సన్నగా   ముక్కలుగా  తరుగుకోవాలి .
ఒక  బేసిన్  లో  తరిగిన   ఉల్లిపాయలు , పచ్చి మిర్చి  ముక్కలు , తగినంత  ఉప్పు , కారం  మరియు తరిగిన  కరివేపాకు  వేసి  చేతితో  బాగా  మెత్తగా  కలపాలి  .
బాగా  తడిగా  కొంచెం   నీరు  నీరుగా  వస్తుంది .
అందులో  శనగపిండి  మరియు  బియ్యపు పిండి  వేసుకుని   కొద్దిగా   నీళ్ళు పోసుకుంటూ  గట్టిగా   పకోడీలు వేసుకోవడానికి  వీలుగా  కలుపుకోవాలి .
తర్వాత  స్టౌ  మీద  బాండీ పెట్టి  మొత్తం  నూనె  పోసి  నూనె  బాగా  కాగగానే   చిన్న  చిన్న  పకోడీలు  లాగా  వేసి  ఎరుపు  రంగు  వచ్చే దాకా  వేయించుకోవాలి .
అంతే  గట్టి  పకోడీలు  అల్పాహారమునకు  సిద్ధం ,

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information