Sunday, July 23, 2017

thumbnail

చలిమిడి

చలిమిడి
ఆలూరు కృష్ణప్రసాదు .

చలిమిడి  తయారు  చేయు  విధానము .
ఆడపిల్లను  అత్తవారింటికి  పంపే  సందర్భాలలో , కూతురుకు మూడవ నెల  రాగానే  దొంగ చలిమిడి  అని  కన్న తల్లి  పెడతారు ఆ  సందర్భంలో  , కూతురుకు  ఏడవ నెల మరియు  తొమ్మిదివ నెల  సీమంతం  చేసిన  సందర్భాలలో , పిల్ల వాడు  పుట్టాక  కూతురును  బిడ్డతో  సహా  తిరిగి  అత్తవారింటికి  పంపుతూ  చొంగ  చక్కిలాలు  అంటారు వాటితో  సహా  ఇచ్చి  పంపే  సందర్భాలలో ఇలా  అన్ని  శుభ సందర్భాలలో   చలిమిడి  అని  పెడతారు .
అయితే  ఈ  చలిమిడి  చేసే  విధానము   చాలా  మందికి   తెలియదు .
అందువలన  పెద్దలను  సంప్రదించి   మీ  అందరికీ   వివరంగా  తెలియచేస్తున్నాను .
చలిమిడి  తయారు చేయు  విధానము .
కావలసినవి .
బియ్యము   --  ఒక  కె. జి .
బెల్లం   --   ముప్పావు  కిలో
గసగసాలు  --  రెండు  స్పూన్లు
ఎండు కొబ్బరి  --  ఒక చిప్ప.
  
చిన్న ముక్కలుగా  తరిగి స్టౌ మీద  బాండీ పెట్టి  రెండు  స్పూన్లు  నెయ్యి వేసి ముక్కలు  వేగగానే  అందులో  గసగసాలు కూడా వేసి     వేయించుకోవాలి.

పాకం  పట్టే  సమయంలో   వేయించుకోవాలి .
యాలకుల పొడి  --  ఎనిమిది  యాలకులు  పొడిగా   చేసుకోవాలి . స్పూనున్నర   తీసుకోవాలి .
తయారీ  విధానము .
ఒక  కె. జి . బియ్యము   తగినన్ని  నీళ్ళు పోసి  ముందు  రోజు  రాత్రి  నానబెట్టుకోవాలి .
కావలసినవి  సామగ్రి  అన్నీ  సిద్ధం  చేసుకున్నాక మరుసటి  రోజు   బియ్యము  వడకట్టి  పిండి  మరపెట్టించాలి .
మరపట్టించే  అవకాశము  లేని  వారు  మిక్సీ లో  వేసుకొనవచ్చు.
పిండి  తడిగా  ఉన్నప్పుడు  బాగా  నొక్కి  పట్టి  ఉంచాలి .
బెల్లం  పొడిలా  పచ్చడి  బండతో  దంచుకోవాలి .
స్టౌ  మీద  గిన్నె  పెట్టి   నలగొట్టిన  బెల్లం  వేసి , బెల్లం   మునిగే  వరకు  నీళ్ళు పోసి జాగ్రత్తగా  చూసి  కదుపుతూ  బాగా  ఉండ పాకం  రానివ్వాలి .
ఉండపాకం  అంటే  ఒక  పళ్ళెంలో  నీళ్ళు  వేసి  ఉడుకుతున్న కొద్ది   పాకం వేసి  చేతితో  చూస్తే  పాకం  బాగా  ఉండలా  రావాలి .
ఈ లోగా తడిపిండి  బాగా  జల్లించుకుని  బరకగా  ఉన్నది  తీసేసుకోవాలి .
ఉండపాకం  రాగానే స్టౌ  కట్టేసి  దించి   పాకంలో   వేయించిన కొబ్బరి ముక్కలు , గసగసాలు , యాలకులపొడి  వేసి  కొద్ది  కొద్దిగా గుప్పెడు  గుప్పెడు   పిండి  వేసుకుంటూ  వెంటనే  కలుపుకుంటూ చలిమిడి    సరియైన  విధంగా వచ్చేటట్లు  చూసుకోవాలి .
తర్వాత  పిండిలో  మూడు  చెంచాలు   నెయ్యి వేసుకోవాలి .
పిండి  చాలా  మృదువుగా   వస్తుంది .
తరువాత  సందర్భానుసారం  ఉండలుగా  చేసుకోవచ్చు .
అంతే  ఎంతో  రుచిగా  ఉండే  చలిమిడి  సిద్ధం.
ఇష్టమైనవారు  జీడిపప్పు నేతితో  వేయించుకుని  వేసుకోవచ్చు .
***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information