శ్రుతి తప్పిన సంస్కృతి

 శ్రుతి తప్పిన సంస్కృతి

అవసరాల సీతారామలక్ష్మి

అమ్మ మమ్మీ అయ్యింది .

మన సంస్కృతి మాయమయింది .

మన నేల మనకు మురికైనది,

గరుకు గచ్చు ఘనమైనది.

వాలు జడ , ఎక్కడా లేదు జాడ ,

నుదిట బొట్టు,ఆవగింజే ఒట్టు

చీర కట్టు , డజను పిన్నులు ఒడిసి పట్టు.

పసుపు - పారాణి , దర్శనాలే కరువైన మారాణి.

బొబ్బట్టా !! అమ్మొ వద్దు, బర్గర్లే మాకు ముద్దు,

బంతి భోజనం బోర్ కొట్టింది, బఫె పై మోజు పుట్టినది,

పొరిగింటి పుల్లకూర మనసైనది,

నట్టింటి పొలిహొర నచ్చకున్నది .

అమ్మ దినం, నాన్న దినం,

బ్రతికుండగానే తద్దినం,

ప్రేమకో దినం, పగకో దినం,

దినాలకోసం బ్రతుకుతున్నాం ప్రతిదినం.

గురువులేనిది ఈ-విద్య ,

గుర్తుండదు అంతా మిద్య.

శ్రుతి తప్పింది సంస్కృతి,

లయ లేకుంది మన క్రుతి.

ఎక్కడ మార్పుకు నాంది ?

వేసామా మనం పునాది ?

ఎవరో వస్తారని , ఏదో చేస్తారని,

కూర్చున్నామా మనం నీరుగారి?

 *******************************************