Wednesday, March 22, 2017

thumbnail

పార్వతీ మాత

పార్వతీ మాత
ఆండ్రలలిత


సీసం
సూర్య కిరణములు సుందర దేవేరి
పైన బడిన పూల పైన నున్న
జల బిందువులు ముత్య జల్లులులాగను
కనిపించెనూగదా కమ్మగాను
జీవరాసులకును జీవము నీవేగ
జగమునందమ్మా సజావుగాను
జగములేలే జగ్తజనని నిన్ను కొలుతు
అమ్మా యెలపుడును అమితముగను౹౹

తేటగీతి
మమతల మకరందాల సుమలికలోలె
నీదు వునికి పార్వతిమాత నిరతముగద
మా మనసుపైన నీదివ్య మమతలన్ని
ముద్ర వేసినావు మమేకము. లలితముగ౹౹

కందం
పార్వతి మాతా నీపై
పర్వతమోలెనవ రత్నపాఱులు కనినా
పార్వతి జననీ మాకూ
పర్వతమోలే శుభాలు పంచితివిగదా౹౹

ద్విపదమాలిక
శివతాండవాలందు శివ లీలలందు
శివశంకరీ మాకు శివ కృపనివ్వు
శివ నామములుతోడ శివ కటాక్షములు
శివ దర్శనము మాకు శివరక్ష యేను౹౹

మంజరీ ద్విపద
మనసు పరితపించె మనవిలందునుగ
మానస జపమందు మన మదీదెనుగ
మనలోని తలపుల మడుగులు వెతికె
మనసార పార్వతీ మాతను కాద౹౹

ద్విపద
పరితాపమును తీర్చ పరదేవత బహు
పరిమళాలను పంచె పరిపూర్ణముగను౹౹

ఆటవెలది
అమృత కిరణుడోలె అమిత చల్లని మది
నీదు పార్వతమ్మ నిర్మలమగు
నీదు మనసు మేము నిరతం మనవిలతో
కష్ట పెట్టిన కనికరము చూపు౹౹

తేటగీతి
పార్వతీదేవిని మనము పలురకములు
తలచినంత కలుగునుగ తల్లి కృపయు
మనకు పరిపూర్ణత కలిగి మధువులిచ్చు
నాగమల్లికల సువాసనలను బోలి౹౹

ఉత్పలమాల
మానస పూలతోటలకు మాలివి నీవుగదమ్మ పార్వతీ
భానుని కాంతిలో మదుల భావనలన్నిను దిద్దెవూగదా
నీదునికీ ఉమా జనని నిత్య ఫలాలొసగూ జగత్తులో
నీ దయయేగ మాకు జననీ నిరతం శరణూ యెలప్పుడూ౹౹

ఉత్పలమాల
పర్వత రాజ పుత్రివిగ పాలన చేతువు మాత మమ్ముగా
సర్వము నీవె మా జనని సర్వము నీ దయయేగ పార్వతీ
మర్వము మాత నిన్నుగద మర్వక మా గతి అంబ చూపవా
గర్వము గాను నీ మనన గమ్యము చేరుకొనేల చేయుగా౹౹

***


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information