Monday, January 23, 2017

thumbnail

కొబ్బరి రవ్వ లడ్డూ

కొబ్బరి రవ్వ లడ్డూ

భావరాజు పద్మిని



ఇవాళ చాక్లెట్ డే ! ఈ చాక్లెట్లు వచ్చాకా, ప్రతి వేడుకకీ ‘సెలబ్రేషన్స్ ‘ కొనిస్తూ, కొని తెస్తూ, మన సంప్రదాయ తీపి రుచులు దూరమయ్యాయనే చెప్పచ్చు. కొత్త తరం వారికి చాలా వంటలు తెలియట్లేదు. సులువుగా తయారయ్యే రవ్వలడ్డూ చెయ్యటం ఎలాగో ఇవాళ మీకు నేర్పించేస్తానే !
కావలసిన పదార్ధాలు :
మూడు చెంచాలు నెయ్యి అరకిలో బొంబాయి రవ్వ కోరిన ఎండుకొబ్బరి – 100 గ్రా. (ఇప్పుడు సూపర్ మార్కెట్ల లో ఇది తయారుగా దొరుకుతోంది ) జీడిపప్పులు, బాదం పప్పులు, కిస్మిస్ లు –కావలసినన్ని 4 ఏలకులు పావుకిలో పంచదార ఒక కప్పు పాలు
తయారీ విధానం :ముందుగా ఒక మూకుడులో నెయ్యి వేసుకుని, జీడిపప్పులు, బాదం పప్పులు, కిస్మిస్ లు వేసి, వేగాకా, బొంబాయి రవ్వ, తురిమిన ఎండు కొబ్బరీ వేసి, ఎర్రగా అయ్యి, మంచి వాసన వచ్చేదాకా వేయించుని, ఒక బేసన లోకి తీసుకోవాలి. ఆ తర్వాత మిక్సీ లో పంచదార, ఏలకులు వేసి, ఎక్కువ గ్రైండ్ చెయ్యకుండా బరకగా పొడి చేసుకోవాలి. ఇప్పుడు రవ్వ వేసిన బేసనలోనే పంచదార వేసి, కలిపి, తగినన్ని పాలు పోసుకుంటూ, ఉండ అవుతోందా లేదా చూసుకుంటూ, వేడి మీదే లడ్డూలు కట్టేయ్యాలి. కనీసం 10 రోజులు నిలవ ఉండే ఈ లడ్డూలు, అమృత ప్రాయంగా ఉంటాయి. తప్పక ప్రయత్నిస్తారు కదూ !
****

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information