Friday, December 23, 2016

thumbnail

తెలుగుభాష ప్రాభవం

తెలుగుభాష ప్రాభవం

పోడూరి శ్రీనివాసరావు 


తెలంగాణా అయితే నేమి?

రాయలసీమ అయితే నేమి?

సర్కారు అయితే నేమి?

త్రిలింగ దేశం మనది!

తెలుగు భాష మనది!!

 

‘అమ్మ’ అనే రెండక్షరాల మధుర భాష మనది!

ఆత్మీయత తో పెనవేసుకునే తెలుగు జాతి మనది!!

ఆంధ్రభోజుడు మెచ్చిన భాష మన తెలుగు భాష!

బ్రౌన్ దొర ఆప్యాయంగా హత్తుకున్నదీ మన తెలుగు భాష!!

 

గిడుగు రామ్మూర్తి పంతులు, గురుజాడ, నండూరి

దేవులపల్లి,శ్రీశ్రీ,సినారె,కాళోజీ,కరుణశ్రీ

దాశరథి,ఆత్రేయ,ఆరుద్ర,వేటూరి......

ఇలా ఎందరెందరో....మహానుభావుల

నీరాజనాలందుకున్నదీ...మన తెలుగు భాష!

 

చిలకమర్తి ప్రహసనాలు,విశ్వనాథ విసురులు,

పానుగంటి వ్యాసాలు,శ్రీనాథుని చమక్కులు,

పోతనామాత్యుని భక్తిరసాలు,మొక్కపాటి హాస్యాలు,

వికటకవి విశ్వరూపాలు,అల్లసాని పద కవితా ప్రబంధాలు,

రామదాసు కీర్తనలు,త్యాగరాజు ఆలాపనలు,

అన్నమయ్య జిగిబిగిలు,ముత్తుస్వామి దీక్షితుల సంగీత కృతులు,

బాలమురళీ గళాన జాలువారిన గమకాలు

చిట్టిబాబు కరకమలా విరిసిన వీణానాదాలు

ఘంటసాల కంచు కంఠాన వినిపించిన మధురగానాలు

తెలుగుకోకిల సుశీలమ్మ సుమధుర సహగానాలు

తేటతెలుగు ఒరవడి,ఈనాటికీ

కనులముందు కదలాడే సాహితీ ఝారి.

 

అనితరసాధ్యం – అవధాన ప్రక్రియ మనసొంతం

అందమైన కందం,ఆటవెలది

తేటగీతి సీస పద్యాల ఒరవడి మనదే!

రాగయుక్త పద్యగీతాలాపన మన పేటెంటు

మరే ఇతర భాషకూ లేదయ్యా....ఈ గ్రాంటు

హరికథలు,బుర్రకథలు,అతిహృద్యంగా,

మనోహరంగా ఆలపించడం

శ్రోతలనలరించడంలో మనమే ఫస్టు

వేరెవరికీ తెలియదయ్యా దీని టేస్టు

ఇవన్నీ తెలుగు సంగీత సాహిత్యాల్లో అజరామరాలు.

 

గతచరిత్ర వైభవం – మన తెలుగు భాష సొంతం

కాపాడు కొందాం – మనమందరం

ఎలుగెత్తి చాటుదాం – ఏ కరువు పెడదాం

భావితరాలకు తెలియ చెప్పుదాం

మనకు గర్వకారణమైన తెలుగు పలుకు మాధుర్యం

తెలుగు వాడిగా పుట్టినందుకు గర్వించు

సాహిత్య చరిత్రలో ఆంధ్రభాష వైభవం

సువర్ణాక్షరాలతో లిఖించు.

తెలుగు జండా రెపరెపలు ఎగరాలి నింగి నిండా!

****


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information