Friday, December 23, 2016

thumbnail

శుభ లేఖ

శుభ లేఖ

తురగా శివ రామ వెంకటేశ్వరులు  


ఈడొచ్చిన పిల్లల కలల పంటకు
వారి నూరేళ్ళ పంటకు  శ్రీ లేఖ  పెళ్ళి శుభ లేఖ !
దీని పుట్టుక మనిషి పుటకకు తొలి మెట్టు
నగల కొట్టుకు కన్ను కొట్టు
వేద మంత్రములను చదివించు లేఖ
సన్నాయి వాయిద్యములు వినిపించు లేఖ
బంధుమిత్రులను కుటుంబ సమేతముగా
రప్పించి ... కలిపించు లేఖ
విందు భోజనములను తినిపించు లేఖ
అతిధిలకుఅలకలు
వియ్యల వారికి కయ్యాలు కలిగించు లేఖ
శుభాశీశులకు మాత్రమే పిలుచు లేఖ కాదు
పెళ్ళి శుభ లేఖ !
రంగు రంగుల పట్టు చీరల,
ధఘ ధఘ మెరుయు బంగారు నగల ,
ఆడ, మగ లేటెస్టు వస్త్ర డిజైనుల ప్రదర్శనలకు,
ఫేషన్ షోలుకు, పేకాటలకు,
సరదాలకు, సరసాలకు, షేక్  హేన్డులకు ,
మమతల కౌగిలింతల ప్రదర్శనలకు,
పిలుచులేఖ  ఈ పెళ్ళి శుభ లేఖ!
వీడియోలలో పెళ్ళివారిని బంధించు లేఖ ,
అంతమందిని పిలిచి , అంత ఖర్చు పెట్టించి,
ఇరువది సంవత్సరములు పెంచి పెద్ద చేసిన,
తల్లి తండ్రుల బంధము తెంచి,
అప్పగింతలవేళ కన్నీరు కార్పించు లేఖ !
శుభ లేఖ !
తెలుసు నాకు దాని అంత రంగము
అది కన్నీరు కాదు, వధూ వరుల సౌభాగ్య
సంపదలకు పన్నీరు!.!.
****

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information