Wednesday, November 23, 2016

thumbnail

సరిహద్దు ఉగ్రవాదం పై గజల్

సరిహద్దు ఉగ్రవాదం పై గజల్ 

TVSRK.ఆచార్యులు (రాంకీ)



మనసుకున్న మేలి ముసుగు తీసేందుకు వీలుకాదు  
మాముందర కుతంత్రాలు చూపేందుకు వీలుకాదు

ఉగ్గుపాల రంగరించి దేశభక్తి నేర్చినాము 
రగులుతున్న యువతరాన్ని ఆపేందుకు వీలుకాదు

సింహాలకు వేటంటే మక్కువనీ తెలుసుకోర 
భరతజాతి గర్జిస్తే బ్రతికేందుకు వీలుకాదు

పొంచిఉన్న నక్కలెన్నొ ఉండేలుకు కూలుతాయి 
కన్నులెర్ర చేసామా దాగేందుకు వీలుకాదు

ఉగ్రవాద ఉనికినీకు నిలువనీడ నీయదులే 
తలవంచుకు పోకుంటే నిలిచేందుకు వీలుకాదు

స్నేహహస్త మిస్తుంటే కాటునీవు వేస్తావా
ధీటుగానె జవాబిస్తె మొరిగేందుకు వీలుకాదు

శాంతిబాట మాదంటే ఎందుకలా వణుకుతావు 
కపోతమే కత్తిదూస్తె గెలిచేందుకు వీలుకాదు

దాయాదుల పోరులోన ధర్మమెపుడు గెలుస్తుంది 
అహముతోటి మంచితనము అణిచేందుకు వీలుకాదు

రాంకి కూడ సైనికుడే అక్షరాలె ఆయుధాలు 
కలముచాల గట్టిదిలే విరిచేందుకు వీలుకాదు
******

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information