Wednesday, October 26, 2016

thumbnail

పెళ్లి భోజనం..

పెళ్లి భోజనం..

కృష్ణ కసవరాజు


ఈ మహానగరం లో ఎవరైనా పెళ్లి కి పిలిస్తే ఆనందమే కాని...అక్కడ తిండి తినడం మాత్రం ఏడుపు వస్తుంది....ఏమి వంటకాలో...నా మొహం లా ఉంటాయి..😡😡
దోస అవకాయో..గొంగురో కలుపుకొని కాస్త నెయ్యి వేసుకొని ఒక ముద్ద నోట్లో పెట్టుకుంటే నాలుక నాగుపాములా కదిలి బుస కొట్టి మిగతావి తినమంటుంది..😜😜
అవేమి ఉండవు...ఉప్పు కారం లేని ....ఆకుపచ్చ పచ్చడి ఒకటి వేసాడు దోస ముక్కలు కనపడుతున్నాయి కాని పచ్చడో పాయసమో తెలుసుకోలేక గిల గిల కొట్టుకున్న కాసేపు 😣😣😣
పెళ్లి జరుగుతుండగానే వాతావరణం చూద్దామని డైనింగ్ హాల్ వద్దకు వెళ్ళా అరిటాకులు వేసి వున్నారు హమ్మయ్య పంట పండింది దిక్కుమాలిన బఫెట్ భోజనం తప్పించుకున్నాం అనుకున్న..😠😠😠
ఎం లాభం మైఖేల్ జాక్సన్ కి ..పంచ కచ్చ పంచలు కట్టినట్టు....ఆ అరిటాకులో వేసింది...పన్నీరు...రుమాలు రోటి...గోబీ మంచురియ...నయం సూప్ కి కప్ పెట్టారు అరిటాకులో పొయ్యకుండా..😠😠😠
మనిషనే వాడు ఎవడైనా కడుపుకు సరిపోయినంతే తినగలడు మొగపెళ్లి వాళ్ళు ఎమన్నా అనుకుంటారని మొహమాట పడి ఒక పాతిక రకాలు పెడితే ఎవరికీ నష్టం...మిగిలింది పారేయ్యడమే గా...కాని తప్పదు..😠😠😠😠
మిరపకాయ బజ్జి...అప్పడం ...పెరుగు వడ తిన్నాక నొప్పులోస్తున్నవాళ్ళు నడిచినట్టు నడుస్తూ వెళ్ళడం తప్ప ఒకర్ని పలకరించ గలమా! ...అన్ని పెట్టారు అనుకోండి తినడం దేనికి అరిగే దాక రాయడం దేనికి..అంటారా అదే మరి జిహ్వా చాపల్యము అంటే...అది తగ్గితే అన్ని తగ్గుతాయి అప్పుడు ఎ కోలోర్స్ అవసరము రాదు ఎంచక్కా మల్లె తీగల్ల....టీవీ రిమోట్ లు కూడా లేచి మనమే తెచ్చుకోవొచ్చు...మొదటి అంతస్తు కుడా ఆయాసం లేకుండా ఎక్కొచ్చు.....😊😊😊😊😊
మనమేదో చుట్టపు చూపుగా వెళ్లి వచ్చేస్తాం కనుక సరే..అదే పెళ్లి వాళ్ళ సంగతి ఏంటి ఇదే ఫుడ్ మూడు పూటలు తింటే.......అందుకే పెళ్లి జంట ఏడుకొండల వాడి దర్శనం చేసుకోవాలని చెప్పారు పెద్దవాళ్ళు ...బస్సు , కార్ ల లో కాదేమో వాళ్ళ ఉద్దేశం ఏడూ కొండలు నడిచి ఎక్కమని...
***

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information