Wednesday, October 26, 2016

thumbnail

ఈనాటి స్త్రీ శోకం ఆరని అగ్నికణం(పాట)

ఈనాటి స్త్రీ శోకం ఆరని అగ్నికణం(పాట)

రెడ్లం చంద్రమౌళి 


పల్లవి: పొత్తిళ్ళలో మొగ్గే తొడిగి - ఓ కొమ్మలో పూచిన పువ్వే
కొమ్మా కంచె తల్లీ తండ్రిగా - కన్నవారి కలలే పండగా װ పొత్తిళ్ళలో װ
అను పల్లవి: ఎదిగిందీ పసి పువ్వే - విరిసిన మల్లియగా
వనమంతా తానే వెన్నెలగా - నిశీధిలో వెలిగే పున్నమిగా װ పొత్తిళ్ళలో װ
చరణం:1 కన్నవారి ప్రేమలో కలలుగన్న ఆశలో - యవ్వనాలు పూచె ఈ మల్లెపువ్వులో
పూవులోని గంధము పరిమళింప చేయగా - విస్తరించెనంతము వీచు గాలిలో
వెదికే దిశలో... ఉరికే కసిలో - విహరిస్తూ వచ్చాయి రాక్షస భ్రమరాలు
వనమంతా తామే రాజులుగా - వెదకంగా యవ్వన కుసుమాలు װ పొత్తిళ్ళలో װ
చరణం:2 సంధ్యవేళ సూర్యుడు మబ్బుచాటు చంద్రుడు - మూగబోయి ప్రకృతి కళ్ళు మూయగా
గూడుచేరు వేళలో గుంపుచేరి భ్రమరాలు - ఒంటరైన పువ్వుపై వాలిపోవగా
ప్రమిదే విరిచీ...చమురే తీసీ - వెలుగొందే దీపాన్ని ఆరిపివేసాయి
అది చూసీ భారతి ఏడ్చింది - తన ఒడిలో కాంతను చేర్చింది װ పొత్తిళ్ళలో װ
చరణం3: ఓ కొమ్మలో పూచిన పువ్వులు - వనదేవతే తల్లిగ యెదిగి
వావీ వరస మరిచే పోయెనా...?? - మానవతను చెరిపే వేసెనా...??
ఈనాటి స్త్రీ శోకం ఆరని అగ్నికణం - వెలిగిస్తే...వెలుగును పంచేను...
ఆర్పేవో...హారతి దహియించు - ఓ కొమ్మా ఓర్పుకు వందనము
నీ నవ్వే వెలుగుల నందనవనం װ పొత్తిళ్ళలో װ

గమనిక: తల్లీదండ్రులు కలలుగన్న మరియు తమ కలలు, ఆశయాలు తీరకుండానే కొందరి రక్కసి మూకల కామదాహానికి బలైపోయిన ఎందరో సోదరీమణులు భరతమాత ముద్దు బిడ్డలు ఆతల్లి ఒడిలో విగతజీవులై మిగిలిపోయారు.ఆ తల్లి గర్భశోకం తీర్చే తనయుడిగా ఈ పాటను స్త్రీలందరికీ అంకితమిస్తున్నాను.

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information