Monday, May 23, 2016

thumbnail

స్వప్నసాక్షాత్కారం

స్వప్నసాక్షాత్కారం

భమిడిపాటి స్వరాజ్య నాగరాజారావు.

 

నీ స్వప్నాలు సాక్షాత్కరింపబడాలంటే,

నిరాశల అలలను, అలజడులల సుడులను దాటి
నీ స్వప్నాలు నిజరూపం దాల్చాలంటే,
కెరటాల్లా, ఆరాటంగా పడిలేచే ఆలోచనలకు
నిశ్చలత్వం రావాలంటే,
నీ ఆశలు ఆవిష్కరింపబడాలంటే,
విజయాన్ని సాధించటం నీ తరమవాలంటే
నీ ప్రయత్న ప్రాకారంలోకి ఉత్సాహాన్ని ఆహ్వానించాలి,
పట్టుదలతో పిడికిళ్ళు బిగించాలి,
నిరాశ, నిస్తేజాలను చంపుకోవాలి,
ఆవేదనల సంకెళ్ళను త్రెంపుకోవాలి,
శ్రమను ప్రేమతో స్పందించాలి,
నీ మదిలో దానికి ప్రధమస్థానం అందించాలి.
అప్పుడు విజయం నీ పరమౌతుంది,
వికాసం నీ తరమౌతుంది,
అలా నీకలలు సాకారమౌతాయి,
నీ ఆనందపు ప్రాకారమౌతాయి.


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information