రెండు నిశ్శబ్దాలు

రెండు నిశ్శబ్దాలు

సుపర్ణ మహి

 

వెలుగు కురవడం క్రమంగా తగ్గుముఖం పట్టాక,

పడమటి వీధి చివర నుండి చీకటి,

ఒంటరిగా ఊర్లోకి కమ్ముకురావడం తెలుస్తోంది...

దాగిపోయున్న తారల మీదకి చీకటి చూపు సారించాక,

ఉనికి కోసం దాచుకున్న దివ్వెల్ని ,

వూరు ఒక్కోటిగా వెలిగించుకోవడం మొదలుపెట్టింది...

పగలంతా ఎండలో నీడల మీద నిలబడ్డ చెట్లు

చీకటికి అందకుండా

వెన్నెల్ని కొమ్మలను మోస్తున్నాయ్,

మబ్బు కొంగు తాకగానే మురిసిపోతున్న

తారల చిలిపితనం

దూరంగా మెరుస్తుండడం కనబడుతుంది...

అప్పుడప్పుడూ ఓ పిట్టని కారణంగా వినిపిస్తూ

ఊరు రెండు నిశ్శభ్డాల మధ్య మాయమౌతుంటే

'నాలో నేను జీవిస్తున్నాననే' అసలు నిజం

ఏదో ఇప్పుడిప్పుడే స్పష్టంగా తెలుస్తుంది...

*********