Sunday, April 24, 2016

thumbnail

వర్ణములు

వర్ణములు 

సేకరణ : మంతిన ఝాన్సీ 


మనుషులకు గుణము ముఖ్యము కాని వర్ణము కాదని తెలిపే పద్యాలు ( చందో బద్దం అవునో కాదో తెలియదు) ;; ఎవరు రచించారో తెలియదు.   మా అమ్మమ్మ  అమ్మకు నేర్పితే  మా అమ్మ నాకు నేర్పారు.

--తెలుపు--

కైలాసగిరి తెలుపు,, కాలకంఠుడు తెలుపు

కలహప్రియుడు తెలుపు,, గంగ తెలుపు

వెన్నెల గిరి తెలుపు,, వెలయచుక్కలు తెలుపు

శరాదాంగము తెలుపు,, శంఖు తెలుపు

పార్వతీ పతి  తెలుపు,, పాల సంద్రము తెలుపు

ఐరావతము తెలుపు,, హంస తెలుపు

మంచిముత్యము తెలుపు,, మల్లె పూవులు తెలుపు

పరగ వెండి తెలుపు,, పాలు తెలుపు

తెలుపు జెప్పగ నేల తెలివికి మేలైన గుణముకలిగె నేని కోటి సేయు

--ఎరుపు--

అరుణోదయంబెరుపు,, అరుణాచలంబెరుపు

అర్కమండలమెరుపు,, అగ్ని యెరుపు

బ్రహ్మదేవుండెరుపు,, బందూకరంబెరుపు

ఫణిఫణాదులు ఎరుపు,, పద్మమెరుపు

పద్మరాగంబెరుపు,, పగడంపు తీగెరుపు

కుందనపు చాయెరుపు,, కుంకుమెరుపు

మంకెన పూవెరుపు,, మరి దొండ పండెరుపు

దాసాన పూవెరుపు,, తాంబ్రమెరుపు

ఎరుపు చెప్పగ నేల వెలదికి మేలైన గుణము కలిగెనేని కోటి సేయు

--నలుపు--

ఇంద్ర నీలము నలుపు,, ఇంద్రాచలము నలుపు

ఇంద్ర వజ్రము నలుపు,, యముడు నలుపు

సామజంబులు నలుపు,, రామచంద్రుడు నలుపు

రతివల్లభుడు నలుపు,, రాత్రి నలుపు

కృష్ణదేవుడు నలుపు,, కోకిలమ్మలు నలుపు

నళిన దృష్టుడు,, నలుపు నరుడు నలుపు

నీరజాక్షి కొప్పు నిడు వెంట్రుకలు నలుపు,, కొమరైన కస్తూరి బొట్టు నలుపు

నలుపు జెప్పగ నేల నాతికిమేలైన గుణము కలిగెనేని కోటి సేయు

--పచ్చ--

శ్రీ తరుణి పతి మీది పీతాంబరము పచ్చ; కమలమిత్రుని తురంగము పచ్చ

దేవతాచార్యులా దేహకాంతులు పచ్చ ;  ఘనమైన పుష్పరాగములు పచ్చ

వికసిత శత పత్ర మకరందమది పచ్చ;  పరిపక్వ జంబీర ఫలము పచ్చ

బాగుగా బూసిన తంగేడు పువు పచ్చ ; చాల బూసినయట్టి రేల పచ్చ

పదమూడు వన్నెల బంగారమది పచ్చ;  భామ చెక్కుల మీది పసుపు పచ్చ

పచ్చ జెప్పగ నేల పణతికి మేలైన గుణము కలిగెనేని కోటి సేయు.

 ***


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information