Sunday, April 24, 2016

thumbnail

అతను...

అతను...

పారనంది శాంత కుమారి

  

చిత్రాన్ని విగ్రహాన్ని దేవుడన్నావు

మనోనిగ్రహమే దేవుడని అతను గుర్తు చేశాడు.
పుస్తకాన్ని మస్తాకాన్ని దేవుడన్నావు
సమస్తమూ దేవుడే అని అతను గుర్తు చేశాడు.

జ్ఞాపకాన్ని వ్యాపకాన్ని దేవుడన్నావు
వ్యవహారాలన్నీ దేవుడే అని అతడు గుర్తు చేశాడు.
భక్తిని జ్ఞానాన్ని దేవుడన్నావు
విశ్వాసమే దైవమని అతను గుర్తు చేశాడు.

తెలిసిన దాన్ని తెలియని దాన్ని దేవుడన్నావు
జిజ్ఞాసే దైవమని అతను గుర్తు చేశాడు.
భయాన్ని,ఆచారాలను దేవుడన్నావు
నిర్భయం,విచారమే దైవమని అతను గుర్తు చేశాడు.

కాంతిని,శాంతిని దేవుడన్నావు
అతను మౌనంగా తల ఊపాడు.
మౌనాన్ని,ధ్యానాన్ని దేవుడన్నావు
అతను కాదనలేదు.

గుడిని,అమ్మ ఒడిని దేవుడన్నావు
అతడు సంతృప్తిగా నవ్వేడు.
సృష్టిని,చూసే దృష్టిని దేవుడన్నావు
ప్రయత్నించు,ఫలితం లభిస్తుంది అన్నాడు.

నిన్ను నన్ను దేవుడన్నావు.
లోన,బయట దేవుడన్నావు.
అది అంత సులభం కాదని అతను అన్నాడు.

గురువే దైవమని అన్నావు,
అతను వాచకాలతో కాదు
అనుభవంతో తెలుసుకో అని అన్నాడు.
***


Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information