Wednesday, March 23, 2016

thumbnail

ప్రేమంటే

ప్రేమంటే

పోడూరి శ్రీనివాసరావు 


నాకు వయసొచ్చిందని నిన్ను చూశాకే తెలిసింది
నా మనస్సు నా అధీనంలో లేదని నిన్ను తలిస్తేనే తెలిసింది
నా వయసు పరువాలను నీకే ఇవ్వాలని నిన్ను చూస్తే అనిపించింది.
నా కోసం నీవు-నీ కోసం నేను.... ఎదురుచూసాము ఎన్నో యుగాలు
గత కొన్ని జన్మలుగా కలుస్తూనే ఉన్నాం - ఈ జన్మలోనూ మళ్లా కలిసాం.
భగవంతుడెంత నిర్ణయుడు - కొన్ని సంవత్సరాలు ఎడబాటు కల్పిస్తాడు
యుగాల తరబడి మన మనసులను కలిపే ఉంచుతున్నాడు
మాయాజాలం మనసుల్ని కమ్మేస్తుంది
మనమిరువురం ఎదురెదురుగా ఉన్నా
ఒకళ్లనొకళ్లం గుర్తించలేని స్థితిలో ఉన్నాం
ఎందుకో తెలుసా!
నా కళ్లు, కనపడని నీ మనసుని వెతుకుతున్నాయి
నీ కళ్లు కూడా, నా మనసుని వెతుకుతున్నాయని తెలుసు
కళ్లు గుర్తించలేని నీ మనసుని - నా వయసు గుర్తించింది
అందుకే యుగయుగాలుగా మనం కలుస్తూనే ఉన్నాం
మన ప్రేమను ప్రపంచానికి పంచుతూనే ఉన్నాం
ఎక్కడ దాగున్నావో అని నిన్ను వెతికే క్షణాల్లో
తెలిసిన నిజమేమిటంటే
నీ కోసం ఈ ప్రపంచం అంతా వెతుకుతూనే ఉన్నాను
ఒక్క నా మనసులో తప్ప!!

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information