Saturday, October 24, 2015

thumbnail

జాతిపిత బాపూజీ

జాతిపిత బాపూజీ 

  - ఆచంట హైమవతి

                                                                         

       మంచితాత  మన బాపూజీ -
    మనసున్న వాడు  తాతాజీ-
    అందరి  వాడు   గాంధీజీ - 
    మహాత్ముడే  బాపూజీ!     కులాన్నీ  వేర్వేరు కాదనీ ,
    మానవకులమే మనందరిదనీ,
    ఏమతమైనా నీతొకటేనని,
    అనుసరించుటే ధర్మమన్నాడు 

    మనమందరమూ  అన్నదమ్ములనీ 
    తరతమ భేదం  ఉండరాదనీ....
    ఓర్పుని  కలిగి  ఉండాలనీ ,
    సౌహార్దం సౌఖ్యదాయకమన్నాడు!
     శాంతిని  విడనాడకూడదని,
     అహింసయే  పరమ ధర్మమని, 
     మానవసేవే  మాధవసేవయనీ, 
     మద్యపానము  వలదన్నాడు!
     
      సత్యాగ్రహమే    సాధనమ్మని-
      భగవద్గీత  పారాయణమ్మునకు -
      చక్కని  అర్ధం  వివరించాడు...
            స్వాతంత్ర్య సమర ఖ్యాతిని పెంచాడు!         
      రామరాజ్యమును కలగన్నాడు -  
      రాముని  మనసారా నమ్మాడు - 
      శ్రవణుని పితృభక్తిని  మెచ్చాడు -
      శ్రామికులకు కార్యదీక్ష  నేర్పాడు!   

     కట్టుడు  పళ్ళు ఒద్దన్నాడు -
     సూటూ - బూటూ ఒద్దన్నాడు-
     ఆడంబరమూ  ఒద్దన్నాడు -
     పగలు - ఈర్ష్యలు ఒద్దన్నాడు!   
     సత్యమునే  పాలించమన్నాడు - 
     పరులను ద్వేషించ వద్దన్నాడు!
      పల్లెలే  ఆహార  దాతలన్నాడు - 
                                     దేశ  భక్తియే  ధ్యేయమన్నాడు !                                
      మానవ మణులుగ మము చేయుము!
      సర్వ ధర్మముల  మమునడుపుము బాపూ!
      వేదభూమియైన  మా భారత జాతిపిత నీవని -
      వేనోళ్ళ కొనియాడుదుము - ప్రియతమ బాపూ !  
   

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information