Tuesday, August 4, 2015

thumbnail

ప్రకృతే ప్రేరణ

ప్రకృతే ప్రేరణ

- జి. నారాయణ రావు 


నిజానికి దైవం ప్రకృతిలో ఎన్నో రహస్యాలను గుప్తంగా నిక్షిప్తం చేసారు. భగవంతుడు బుద్ధిజీవి అయిన మనిషిని సృష్టించి, అతని చుట్టూ అడుగడుగునా ఎన్నో విషయాలను బోధించే గురువులను ఏర్పరిచాడు. గురువులే ప్రాణులు. అదెలాగ ? అంటారా...
చిట్టి చీమను చూసి కష్టించి పనిచేయడం ఎలాగో నేర్చుకోవచ్చు..!
పడిలేచే కడలి కెరటాలను చూసి పడినా కూడా తిరిగి ప్రవహిస్తూ పరుగులు తీయడమెలాగో గ్రహించవచ్చు...!
లోకమంతా పురుగని విదిలించినా, తన గూడులో తనే తపస్సు చేసి, తపించి, లోకాన్ని తనవెంట పరుగులు పెట్టించడం ఎలాగో సీతాకోకచిలుకను చూసి నేర్చుకోవచ్చు.. !
చిన్న చిన్న పువ్వులనుంచి తేనె చుక్కలను తెచ్చి, పరిశ్రమతో ఒకచోటికి చేర్చే తేనెటీగలను చూసి, కృషికి ఉన్న గొప్పదనం తెలుసుకోవచ్చు... !
ఎన్ని సార్లు భంగపడ్డా, తిరిగి తన గూడును అల్లుకునేందుకు యెంత పట్టుదల కావాలో, సాలీడు ను చూసి నేర్చుకోవచ్చు... !
విరిసే కుసుమాన్ని చూసి వాడిపోతామని తెలిసినా, పరిమళాలను వెదజల్లుతూ పరులకోసం పాటుపడటం ఎలాగో వివరించవచ్చు... !
కోయిలను చూసి, బాహ్యరూపం ఎలా ఉన్నా, మధురంగా పలికితే, విలువ పొందగలమని చెప్పవచ్చు... !
చిన్న చెట్టుని చూసి, తాను ఎండలో ఉంటూ నలుగురికి నీడనిస్తూ నిగర్వంగా నిలబడటం ఎలాగో చెప్పవచ్చు ...! వీచే గాలిని చూసి నిస్వార్ధ సేవకు నిదర్శనం అంటే ఏమిటో విలువ తెలుసుకోవచ్చు ...!
పండువెన్నెలను పంచే చందమామను చూసి పరులకు ఆహ్లాదం కలిగించడంలోని పరమార్దం ఏమిటో విలువ కట్టవచ్చు ...! అస్తమించే సూర్యుడిని చూసి ఆశే శ్వాసగా రేపటికోసం ఎదురుచూస్తూ జీవించడమెలాగో అర్ధం చేసుకోవచ్చు....,,!!
కొవ్వొత్తిని చూసి త్యాగంలో ఉన్న గొప్పతనమెంతో అలవర్చుకోవచ్చు....!
చిరుతను చూసి, లక్ష్యంపై గురి పెట్టి, వేగంగా పరిగెత్తడం ఎలాగో తెలుసుకోవచ్చు... !
ఒక్కసారి ఆలోచించండి... అల్ప ప్రాణులే ఇన్ని అద్భుతాల్ని చెయ్యగలిగినప్పుడు, అత్యుత్తమమైన మానవ జన్మ పొందిన మనం ఏమీ సాధించలేమా ? ఈ ప్రకృతిలో మనమూ ఒక అద్భుతం కాలేమా ?
“ఒక ఆలోచనను (పనిని) చేపట్టండి. దానినే మీ జీవితంగా మలచుకోండి. దానినే తలపోయండి. దాని గురించే కలలు కనండి. దానిమీదే జీవించండి. మీ మెదడు, కండరాలు, నరాలు, మీ శరీరంలోని ప్రతి భాగం అదే ఆలోచనతో నిండిపోనివ్వండి.  దాన్నితప్ప మిగిలిన అన్ని ఆలోచనల్ని విడిచిపెట్టండి. ఇదే దారిని అవలంబిస్తూ, గొప్పగొప్ప  సత్పురుషులు రూపొందారు. విజయానికి ఇదే దారి.” అన్న వివేకానందుడి సూక్తిని అనుసరిస్తూ, విజయ పధానికి ఇప్పుడే తొలి అడుగు వేద్దాము.

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information