Thursday, July 23, 2015

thumbnail

వెనక్కు తిరిగి చూస్తే....

వెనక్కు తిరిగి చూస్తే....

- శ్రీపాద స్వాతి 


ఎంత వద్దనుకున్నా ఎంత వద్దని అన్నా
ఎప్పటికప్పుడు వెనక్కు తిరిగి చూడాలనే అనిపిస్తుంది.
చరిత్రో, గతమో,
చేతులు జోడించిన మంచితనమో
చెక్కు చెదరని పురాగమనమో
వలయాలు వలయాలుగా సర్దుకున్న
ఆది మానవ తిరోగమనమో
ఎరవేసి లాగినట్టు
బరువేదో భుజాల మీద వాలి వెనక్కు గు౦జినట్టు
ఓపలేని క్షణమేదో వెనకాల వెనకాలే
రొదపెడుతున్నట్టు
వెనక్కు తిరిగి చూడాలనే ఉ౦టు౦ది
తీరా వెనక్కు తిరిగాక ...
అమా౦త౦ నేలను తాకేలా ఒ౦గి
కొమ్మ కొమ్మనా ఆశలను
మొగ్గలు మొగ్గలుగా అమర్చుతూ
బాల్యపు నీలాకాశం ‘
క్షణం చిత్తరువులై చిరుజల్లులై
అటూ ఇటూ పరుగులు తీసే
తెల్ల మేఘాల కుందేలు పిల్లల మధ్య
సజీవంగా యవ్వన శకలాలు
రాత్రికి రాత్రి విరిసి కురిసిన
పారిజాతాలై రోజులు వారాలూ నెలలూ
దాటుకుంటూ దాచుకుంటూ
ఈ చివర
ఒక్కసారి వెనక్కు తిరిగామా
శిఖరాగ్రం అంచున
జారిన ఊహలు గతం అగాధాల్లోకి
అయినా వెనక్కు ఇరుగుతూనే ఉంటాం
మళ్ళీ మళ్ళీ ఎగబ్రాకి
ఇప్పటి అంచులు చేరుతూనే ఉంటాం.

Subscribe by Email

Follow Updates Articles from This Blog via Email

Comment with Facebook

No Comments


Worlds Best Telugu Online Magazine

మా గురించి

నమస్కారం ! అచ్చతెలుగు లోగిలికి స్వాగతం.

నా పేరు భావరాజు పద్మిని.

5 ఏళ్ల క్రితం 'అచ్చంగా తెలుగు' అనే పేరుతో ముఖ పుస్తక తెలుగు బృందం స్థాపించాను. అంచెలంచలుగా ఎదిగిన ఈ బృంద సభ్యుల సంఖ్య ఇప్పుడు వేలల్లో ఉంది. ఎందరో తెలుగువారి మనసులు చూరగొంది 'అచ్చంగా తెలుగు'. ఒక్క చేత్తో మొదలైన ఈ తెలుగు సాహితీ యజ్ఞానికి ఇప్పుడు అనేక చేతులు ఊతం అందిస్తున్నాయి. 'నేను' నుంచి 'మేము' కు ఎదిగాము. అభిమానుల అక్షర హారతులు, ప్రోత్సాహమే పెట్టుబడిగా, ఇప్పుడు మేము మరింత ముందుకు వెళ్లి 'అచ్చంగా తెలుగు' అనే అంతర్జాల మాస పత్రికను స్థాపించాము.
వీరిలో ముఖ్యమైన వారి పరిచయం....

aboutus.acchamgatelugu Click here to Read More. Feel free to reach us for more information